Lipesaleme 65:1-13
Ho motsamaisi. Pesaleme ea Davida. Pina.
65 Molimo, u tla rorisoa thabeng ea Sione.+
Re tla phethahatsa likano tseo re u etselitseng tsona.+
2 Uena Ea Utloang thapelo, batho bohle ba tla tla ho uena.+
3 Liphoso tsa ka li nkimetse+Leha ho le joalo, u re tšoarela libe tsa rona.+
4 Ho thaba motho eo u mo khethang ebile u mo atametsaHore a lule mabaleng a hao.+
Re tla khotsofalla melemo ea ntlo ea hao,+Tempele ea hao e halalelang.*+
5 U tla re araba ka liketso tse hlollang+ tsa toka,Molimo oa rona ea re pholosang.
Batho ba lulang likarolong tsohle tsa lefatše baa u tšepa+Le ba lulang hole ka nģ’ane ho leoatle.
6 U hlomme lithaba, oa li tiisa ka matla a hao.
U na le matla a maholo.+
7 U khutsisa maoatle a halefileng+Le lerata la maqhubu a ’ona le lichaba tse morusu.+
8 Batho ba lulang libakeng tse hole ba tla makatsoa ke lipontšo tsa hao.+
U tla etsa hore batho ba lulang ho tloha bochabela ho ea fihla bophirimela ba hoeletse ba thabile.
9 U hlokomela lefatše,U etsa hore le behe lijalo tse ngata ebile oa le nontša.+
Nokana e tsoang ho Molimo e na le metsi a mangata.
U ba fa lijo,+Ke ka tsela eo u entseng lefatše ka eona.
10 U kolobisa liforo tsa lona ebile u batalatsa mobu oa lona o lenngoeng.
U le nolofatsa ka lipula tsa melupe, oa le hlohonolofatsa e le hore lijalo li hole.+
11 U roesitse selemo korone ka ho se hlohonolofatsa ka lintho tse ntle.
Litsela tsa hao li tletse lintho tse molemo.+
12 Makhulo a lefeella aa tšoloha+Le maralla a apere thabo.+
13 Makhulo a koahetsoe ke liphoofolo tse ngata,Likhohlo* li aliloe ka koro.+
Li hoeletsa ka thabo, lia bina.+
