Lipesaleme 68:1-35
Ho motsamaisi. Pesaleme ea Davida. Pina.
68 Molimo a ke a phahame, lira tsa hae li hasane,Ba mo hloileng ba ke ba balehe ka pel’a hae.+
2 Joalokaha mosi o fokeloa hole, e se eka u ka ba leleka.
Joalokaha mafura a qhibiliha mollong,E se eka batho ba khopo ba ka felisoa ka pel’a Molimo.+
3 Empa ba lokileng ba ke ba thabe.+
Ba nyakalle ka pel’a Molimo.
Ba ke ba thabe haholo.
4 Binelang Molimo, binelang* lebitso la hae lipina tsa thoriso.+
Binelang ea fetang mahoatateng.*
Jah* ke lebitso la hae.+ Le thabe ka pel’a hae.
5 Molimo ke ntate oa likhutsana* le mosireletsi* oa bahlolohali+A le sebakeng sa hae se halalelang.+
6 Molimo o fa ba se nang ea ba thusang lehae.+
O lokolla batšoaruoa ’me o etsa hore ba atlehe.+
Empa ba manganga* ba lokela ho lula naheng e omeletseng.+
7 Molimo, ha u ne u etella batho ba hao pele,+Ha u ne u tsamaea lehoatateng, (Selah)
8 Lefatše le ile la reketla.+
Leholimo la nesa pula ka lebaka la Molimo.
Sinai ena ea reketla ka lebaka la Molimo, Molimo oa Iseraele.+
9 Molimo, u ile oa etsa hore pula e ne haholo.
Oa fa batho ba hao ba khathetseng matla.
10 Ba ile ba lula litenteng tsa hao.+
U ile oa hlokomela ba futsanehileng hobane u molemo, Molimo.
11 Jehova o fana ka taelo,Basali ba phatlalatsang litaba tse monate ke lebotho le leholo.+
12 Marena le masole a ’ona aa baleha,+ aa baleha.
Mosali ea setseng hae le eena o fumana karolo ea thepa e hapuoeng.+
13 Le hoja lona banna le ne le robetse mollong,*Le tla fumana leeba leo mapheo a lona a koahetsoeng ka silevera,Le leo masiba a lona e leng a khauta e hloekisitsoeng.*
14 Ha Ea Matla ’Ohle a hasanya marena a naha eo,+Lehloa le ile la khetheha Zalmone.*
15 Thaba ea Bashane+ ke thaba ea Molimo.*
Thaba ea Bashane ke thaba ea litlhoro.
16 Lona lithaba tse nang le litlhoro, ke hobane’ng ha le honohelaThaba eo Molimo a khethileng* ho lula ho eona?+
Jehova o tla lula moo ka ho sa feleng.+
17 Likariki tsa ntoa tsa Molimo li likete tse mashome, li likete-kete.+
Jehova o tlile sebakeng se halalelang a tsoa Sinai.+
18 U nyolohetse holimo.+
U nkile batšoaruoa.
Oa nka limpho e leng banna,+Jah Molimo, u nkile le ba manganga+ hore ba lule har’a bona.
19 E se eka Jehova ea re jarelang mojaro letsatsi le letsatsi,+ a ka rorisoa,Molimo oa ’nete ea re pholosang. (Selah)
20 Ho rona Molimo oa ’nete ke ea re pholosang.+
Jehova ’Musi oa Lintho Tsohle o re pholosa lefung.+
21 Molimo o tla pshatla lihlooho tsa lira tsa haeE leng hlooho ea mang kapa mang ea ntseng a etsa lintho tse mpe.+
22 Jehova o itse: “Ke tla ba khutlisa Bashane.+
Ke tla ba khutlisa botebong ba leoatle
23 E le hore leoto la hao le ka hata mali a lira tsa hao+Le hore maleme a lintja tsa hao a tle a latsoe mali a lira tsa hao.”
24 Ba bona mekoloko ea hao Molimo,Mekoloko ea batho ba Molimo oa ka, Morena oa ka, ba kena sebakeng se halalelang.+
25 Libini li tsamaea ka pele, ba letsang liletsa tse likhoele ba tla ka mor’a tsona.+
Lipakeng tsa bona ke baroetsana ba letsang meropa e menyenyane.+
26 Rorisang Molimo phuthehong e kholo.
Rorisang Jehova, lona ba tsoang Mohloling oa Iseraele.+
27 Benjamine+ e monyenyane o hlola batho,Likhosana tsa Juda le letšoele la tsona le lerataHammoho le likhosana tsa Zabulone le likhosana tsa Nefthali.
28 Molimo oa hao o fane ka taelo ea hore u fuoe matla.
Molimo, bontša matla a hao feela joalokaha u ile oa a bontša bakeng sa rona.+
29 Ka lebaka la tempele ea hao e Jerusalema,+Marena a tla u tlisetsa limpho.+
30 Khalemela libata tsa mahlakengLe mohlape oa lipoho+ le manamane a tsona,Ho fihlela batho ba u khumamela ’me ba tlisa* likotoana tsa silevera.
O hasanye batho ba ratang ntoa.
31 Lintho tsa boronse li tla tlisoa* li tsoa Egepeta.+
Kushe o tla potlakela ho fa Molimo limpho.
32 Lona mebuso ea lefatše, binelang Molimo,+Binelang* Jehova lithoriso, (Selah)
33 Ea palameng maholimo a phahameng ao esale a le teng ho tloha khale.+
Lentsoe la hae le matla le luma joaloka sealuma.
34 Rorisang Molimo hobane o matla.+
O busa Iseraele,Matla a hae a maholimong.*
35 Batho ba tšabe Molimo le ho mo hlompha a le sehalalelong sa hae se seholo.+
Ke Molimo oa Iseraele,Ea fang batho matla.+
Ho rorisoe Molimo.
Linaletsana
^ Kapa: “letsetsang.”
^ Kapa mohlomong: “marung.”
^ “Jah” ke khutsufatso ea lebitso Jehova.
^ Kapa: “bana ba se nang bo-ntate.”
^ Ka Seheberu: “moahloli.”
^ Kapa: “marabele a.”
^ Kapa mohlomong: “masakeng a linku.”
^ Kapa: “e botala bo bosehla.”
^ Kapa: “E ne eka lehloa le khethehile Zalmone.”
^ Kapa: “thaba e kholo haholo.”
^ Kapa: “lakatsang.”
^ Kapa mohlomong: “ba hatakela.”
^ Kapa mohlomong: “Baemeli ba tla tsoa.”
^ Kapa: “Letsang ’mino.”
^ Ka Seheberu: “marung.”
