Lipesaleme 74:1-23
Maskile* ea Asafe.+
74 Molimo, ke hobane’ng ha u re lahletse ruri?+
Ke hobane’ng ha u halefetse mohlape oa lekhulo la hao?+
2 Hopola batho* bao u ileng oa ba khetha khale,+Leloko leo u le lopolotseng hore e be lefa la hao.+
Hopola Thaba ea Sione, eo u lutseng ho eona.+
3 Tsamaea u ee sebakeng se felisitsoeng.+
Sera se felisitse lintho tsohle sebakeng se halalelang.+
4 Lira tsa hao li ile tsa hoeletsa ka har’a sebaka sa hao seo ho kopaneloang ho sona.+
Li behile matšoao a tsona moo.
5 Li ne li le joaloka banna ba remang lifate tse ngata ka lilepe.
6 Li ile tsa roba mekhabiso eohle ea sebaka seo+ ka lilepe le lipalo tsa tšepe.
7 Li chesitse sehalalelo sa hao.+
Li silafalitse tabernakele eo lebitso la hao le leng ho eona, tsa e lihela fatše.
8 Tsona le bana ba tsona li itse ka lipelong tsa tsona:
“Libaka tsohle tsa Molimo* tseo ho kopaneloang ho tsona naheng ena li lokela ho chesoa.”
9 Ha ho na lipontšo tseo re li bonang.
Ha ho sa na moprofetaEbile ha ho na motho har’a rona ea tsebang hore na lintho tsena li tl’o nka nako e kae.
10 Molimo, mohanyetsi o tla u nyefola ho fihlela neng?+
Na sera se tla hlompholla lebitso la hao ka ho sa feleng?+
11 Ke hobane’ng ha u sa ntše letsoho la hao le letona?+
Le ntše ka pokothong e sefubeng* ’me u ba felise.
12 Molimo ke Morena oa ka ho tloha khale,Ke mopholosi e moholo lefatšeng.+
13 U ile oa fuluha leoatle ka matla a hao.+
Oa silakanya lihlooho tsa libata tsa leoatle ka metsing.
14 U ile oa silakanya lihlooho tsa Leviathane.*
Oa li fa batho ba lulang mahoatateng hore ba li je.
15 U ile oa cheka liliba e le hore metsi a ka phalla.+
Oa pshesa linoka tse phallang kamehla.+
16 Motšehare le bosiu ke tsa hao.
U entse leseli le letsatsi.+
17 U entse meeli eohle ea lefatše.+
Oa etsa mariha le lehlabula.+
18 Jehova, hopola kamoo sera se u nyefolang katengLe kamoo batho ba se nang kelello ba sa hlompheng lebitso la hao kateng.+
19 U se ke oa fa libata tsa naha bophelo ba leebana-khoroana la hao.
U se ke oa lebala ka ho sa feleng bophelo ba batho ba hao ba hlorileng.
20 Hopola selekaneHobane libaka tse lefifi tsa lefatše li tletse batho ba ratang ntoa.
21 E se eka ea hateletsoeng a ke ke a khutla a soetsehile.+
E se eka ba maemong a tlase le ba futsanehileng ba ka rorisa lebitso la hao.+
22 Ema Molimo, u buelle nyeoe ea hao.
Hopola kamoo maoatla a u nyefolang kateng letsatsi lohle.+
23 U se ke oa lebala seo lira tsa hao li se buang.
Lerata la ba u hanyetsang le nyolohela ho uena kamehla.
Linaletsana
^ Ka Seheberu: “phutheho ea hao.”
^ Kapa: “Libaka tsohle tseo Molimo a rapeloang ho tsona.”
^ Kapa: “ka har’a seaparo sa hao.”
