Lipesaleme 79:1-13
Pina ea Asafe.+
79 Molimo, lichaba li hlasetse lefa la hao.+
Li silafalitse tempele ea hao e halalelang.+
Li entse Jerusalema qubu ea majoe.+
2 Li bolaile bahlanka ba hao, tsa ba fa linonyana hore li ba je.
Tsa bolaea bahlanka ba hao ba tšepahalang, tsa ba fa libata.+
3 Li tšolotse mali a bona joaloka metsi hohle Jerusalema,Ha ho na ea setseng hore a ka ba pata.+
4 Baahisani ba rona ba se ba re nyatsa.+
Ba re potolohileng baa re soma ebile baa re tšeha.
5 Jehova, u tla lula u halefile ho fihlela neng? Ka ho sa feleng?+
Bohale ba hao bo tla tuka joaloka mollo ho fihlela neng?+
6 Ntšetsa bohale ba hao ho lichaba tse sa u tsebengLe ho mebuso e sa hlompheng lebitso la hao.+
7 Li felisitse JakoboHape tsa senya naha ea hae.+
8 U se ke oa re otlela liphoso tsa baholo-holo ba rona.+
Potlaka, u re hauhele+Hobane re feletsoe ke matla.
9 Re thuse, Molimo oa rona ea re pholosang,+Ka lebaka la lebitso la hao le khanyang.
Re pholose ’me u tšoarele* libe tsa rona ka lebaka la lebitso la hao.+
10 Ke hobane’ng ha lichaba li lokela ho re: “O hokae Molimo oa bona?”+E se eka re ka bona ha u tsebisa lichabaHore u iphetelitse ho ba bolaileng bahlanka ba hao.+
11 E se eka u ka utloa sello sa motšoaruoa.+
Sebelisa matla* a hao a maholo ho boloka* ba ahloletsoeng lefu.+
12 U ahlole baahisani ba rona ka makhetlo a supileng+Hobane ba ile ba u nyefola, Jehova.+
13 Rona batho ba hao le mohlape oa lekhulo la hao,+Re tla u leboha ka ho sa felengEbile re tla u rorisa ho tloha molokong o mong ho ea ho o mong.+
