Lipesaleme 86:1-17
Thapelo ea Davida.
86 Jehova hle, ’mamele* ’me u nkarabe.
Ke hlorile ebile ke futsanehile.+
2 Sireletsa bophelo ba ka hobane kea tšepahala.+
Mpholose, ’na mohlanka oa hao ea u tšepileng,U Molimo oa ka.+
3 Nkhauhele hle Jehova,+Ke llela ho uena letsatsi lohle.+
4 Etsa hore ke thabeEtsoe ke tšepile uena Jehova.
5 Jehova, u molemo+ ebile u ikemiselitse ho tšoarela.+
Bohle ba llelang ho uena u ba rata haholo.+
6 Mamela thapelo ea ka hle Jehova.
U nkutloe ha ke kopa thuso.+
7 Ke llela ho uena ha ke le matšoenyehong+Hobane u tla nkaraba.+
8 Ha ho na molimo ea tšoanang le uena Jehova,+Ha ho na ea entseng lintho tse tšoanang le tseo u li entseng.+
9 Lichaba tsohle tseo u li entsengLi tla tla ’me li u khumamele Jehova,+Li tla tlotlisa lebitso la hao.+
10 U na le matla ebile u etsa lintho tse hlollang.+
Uena u le mong, u Molimo.+
11 Jehova, nthute tsela ea hao.+
Ke tla tsamaea tseleng ea hao e lokileng.+
Etsa hore ke tšabe lebitso la hao ka pelo ea ka eohle.+
12 Jehova Molimo oa ka, ke u rorisa ka pelo ea ka eohle,+Ke tla tlotlisa lebitso la hao ka ho sa feleng.
13 U nthata haholo,U pholositse bophelo ba ka Lebitleng* le tebileng.+
14 Molimo, batho ba ikhohomosang baa ntlhasela.+
Sehlopha sa banna ba sehloho se batla ho mpolaea,Ha ba na taba le uena.+
15 Empa uena Jehova, u Molimo ea mohau, ea nang le kutloelo-bohloko,*Ea liehang ho halefa, ea lerato le ea tšepahalang.*+
16 Nkamohele ’me u nkhauhele.+
Mphe matla,+U mpholose, ’na mora oa lekhoba la hao la mosali.
17 Mpontše bopaki ba hore u molemoE le hore ba ntlhoileng ba ka bo bona ’me ba hlajoa ke lihlong.
Jehova, u mothusi oa ka le motšelisi oa ka.
Linaletsana
^ Kapa: “inamela tlase u ntšekehele tsebe.”
^ Kapa: “Sheole.” Sheba Tlhaloso.
^ Kapa: “mosa.”
^ Kapa: “ea nang le ’nete.”
