Lipesaleme 92:1-15
Pesaleme. Pina ea letsatsi la Sabatha.
92 Ke ntho e ntle ho u leboha Jehova+Le ho binela* lebitso la hao lipina tsa thoriso, uena Ea Phahameng ka ho Fetisisa
2 Le ho bua ka lerato*+ la hao hosengLe botšepehi ba hao bosiu,
3 Ke bina ka seletsa se likhoele tse leshome le ka lute,Ka molumo o monate oa harepa.+
4 Jehova, u nthabisitse ka lebaka la liketso tsa hao.
Ke hoeletsa ke thabile ka lebaka la mesebetsi ea matsoho a hao.
5 Jehova, mesebetsi ea hao e meholo haholo.+
Menahano ea hao e tebile haholo.+
6 Motho ea se nang kelello a ke ke a e tseba.
Leoatla le ke ke la utloisisa ntho ena:+
7 Leha ba khopo ba mela joaloka joang*Le bohle ba etsang lintho tse mpe ba atleha,Ba tla felisoa ka ho sa feleng.+
8 Empa uena Jehova, u lula u phahame ka ho sa feleng.
9 Jehova, bona kamoo lira tsa hao li oeleng kateng,Bona kamoo lira tsa hao li tla felisoa kateng.
Bohle ba etsang lintho tse mpe ba tla hasana.+
10 Empa u tla eketsa matla* a ka hore a be joaloka a poho e hlaha.
Ke tla tlotsa letlalo la ka ka oli e ncha.+
11 Ke tla thabela ho bona ha lira tsa ka li hloloa,+Ke utloe ha batho ba khopo ba ntlhaselang ba hloloa.
12 Empa ba lokileng ba tla atleha joaloka lifate tsa lipalemaEbile ba tla hola joaloka lifate tsa kedare tsa Lebanone.+
13 Ba lenngoe ka tlung ea Jehova.
Ba atleha mabaleng a Molimo oa rona.+
14 Ba tla ’ne ba atlehe leha ba se ba tsofetse.+
Ba tla lula ba le mahlaha-hlaha ’me ba le bacha,+
15 Ba bolela hore Jehova o lokile.
Ke Lefika la ka,+ ha ho mohla a etsang ntho e mpe.
Linaletsana
^ Kapa: “letsetsa.”
^ Kapa: “lerato le tšepahalang.” Sheba Tlhaloso.
^ Kapa: “litlama-tlama.”
^ Ka Seheberu: “lenaka.”
