Lipesaleme 97:1-12
97 Jehova ke Morena.+
Lefatše le ke le thabe.+
Lihlekehleke tse ngata li ke li nyakalle.+
2 O pota-potiloe ke maru le lefifi le letšo-letšo.+
Ho loka le toka ke motheo oa terone ea hae.+
3 Mollo o tsoa ho Molimo,+O chesa lira tsohle tsa hae.+
4 Lehalima la hae le khantša naha.
Lefatše lea thothomela ha le le bona.+
5 Lithaba li qhibiliha joaloka mafura ka pel’a Jehova,+Li qhibiliha ka pel’a Morena oa lefatše lohle.
6 Maholimo a phatlalatsa liketso tsa hae tse lokileng,Lichaba tsohle li bona khanya ea hae.+
7 Bohle ba rapelang litšoantšo ba ke ba hlajoe ke lihlong+Le ba ithorisang ka melimo ea bona e se nang thuso.+
Melimo eohle e ke e mo khumamele.*+
8 Sione e utloile hore Jehova o hlotse eaba ea thaba.+
Metse* ea Juda le eona e thabileKa lebaka la likahlolo tsa hao.+
9 Jehova, ke uena Ea Phahameng ka ho Fetisisa holim’a lefatše lohle.
U phahame ho feta melimo e meng eohle.+
10 Lona ba ratang Jehova, hloeang lintho tse mpe.+
O sireletsa batho ba hae ba mo tšepahallang.+
O ba pholosa ho ba khopo.+
11 Leseli le khantšelitse ba lokileng+Le ba lipelo li ntle ba thabile.
12 Thabang ka lebaka la Jehova, lona ba lokileng,Le rorise lebitso* la hae le halalelang.
