Liproverbia 13:1-25
13 Mora ea bohlale o mamela taeo ea ntate oa hae+Empa moikhohomosi ha a mamele ha a khalemeloa.+
2 Motho o tla fumana molemo ka lebaka la lipuo tsa hae tse ntle*+Empa ba bolotsana ba lakatsa ntoa.
3 Ea lebelang molomo oa hae* o sireletsa bophelo ba hae*+Empa ea buang feela a sa nahane o tla timela.+
4 Motho ea botsoa o lakatsa feela empa ha a na letho.+
Ha e le ea khothetseng eena o tla khora.*+
5 Ea lokileng o hloile leshano+Empa liketso tsa ba khopo li baka mahlabisa-lihlong ebile lia soabisa.
6 Ho loka ho sireletsa motho ea se nang molato+Empa bokhopo bo liha moetsalibe.
7 Ho na le ea etsang eka ke morui empa a se na letho.+Ho na le e mong ea etsang eka ke mofutsana empa a e-na le maruo a mangata.
8 Morui o patala ka maruo a hae hore a pholose bophelo ba hae+Empa bafutsana ha ba tšosoe le ho tšosoa.*+
9 Leseli la ba lokileng le khanya haholo*+Empa lebone la ba khopo le tla tingoa.+
10 Ho iketelletsa pele ho baka ntoa feela+Empa ba bohlale ke ba batlang keletso.*+
11 Maruo a fumanoang kapele* a tla fela+Empa maruo a bokelloang hanyane ka hanyane* a tla eketseha.
12 Ha ntho eo motho a e lebeletseng* e lieha ho phethahala, e kulisa pelo+Empa ha seo a se lakatsang se phethahala, ke sefate sa bophelo.+
13 Mang kapa mang ea nyonyang molao* o tla khola litholoana tse bosula+Empa ea hlomphang taelo o tla putsoa.+
14 Thuto e* tsoang ho motho ea bohlale ke mohloli oa bophelo,+E qobisa motho maraba a lefu.
15 Motho ea nang le temoho o ratoa ke bathoEmpa ba bolotsana ba phela ka thata.
16 Motho ea bohlale o etsa lintho ka tsebo+Empa sethoto se pepesa bothoto ba sona.+
17 Moromuoa ea khopo o kena mathateng+Empa moromuoa ea tšepahalang o tlisa pheko.+
18 Ea sa mameleng ha a khalemeloa o tla futsaneha le ho tlotlollehaEmpa ea mamelang ha a khalemeloa o tla fumana tlotla.+
19 Motho oa thaba ha ntho eo a e lakatsang e etsahala,+Ba se nang kelello ha ba batle ho furalla bobe.+
20 Ea tsamaeang le batho ba bohlale o tla hlalefa+Empa ea sebelisanang le ba hlokang kelello lintho li tla mo tsamaela hampe.+
21 Tlokotsi e latella baetsalibe+Empa ba lokileng ba putsoa ke katleho.+
22 Motho ea lokileng o siela litloholo tsa hae lefaEmpa leruo la moetsalibe le tla bolokeloa ea lokileng.+
23 Masimo a lenngoeng a bafutsana a beha lijo tse ngataEmpa ba se nang toka ba ka nka masimo ao.*
24 Ea sa sebeliseng thupa* o hloile ngoana oa hae+Empa ea mo ratang oa mo khalemela.*+
25 Ea lokileng oa ja ’me a khore+Empa ba khopo ba tla lapa.*+
Linaletsana
^ Kapa: “litholoana tsa molomo oa hae.”
^ Kapa: “seo a se buang.”
^ Kapa: “moea oa hae.”
^ Ka Seheberu: “o tla nona.”
^ Ka Seheberu: “ha baa ka ba utloa khalemelo e matla.”
^ Ka Seheberu: “lea thaba.”
^ Kapa: “ba rerisanang hammoho.”
^ Kapa: “ka bolotsana.”
^ Ka Seheberu: “maruo a ea bokellang ka letsoho.”
^ Kapa: “a tšepileng hore e tla etsahala.”
^ Kapa: “lentsoe.”
^ Kapa: “Molao o.”
^ Kapa: “ba ka ba nka.”
^ Kapa: “Ea sa khalemeleng; Ea sa shapeng.”
^ Kapa mohlomong: “hang-hang.”
^ Kapa: “limpa tsa ba khopo li tla lapa.”
