Liproverbia 15:1-33
15 Karabo e bonolo* e leleka khalefo+Empa lentsoe le hlabang* le fehla bohale.+
2 Maleme a ba bohlale a sebelisa tsebo hantle+Empa melomo ea lithoto e phasoloha lintho tse se nang kelello.
3 Mahlo a Jehova a bona hohle,A shebile ba khopo le ba lokileng.+
4 Mantsoe a bonolo* ke sefate sa bophelo+Empa lipuo tse bolotsana lia sithabetsa.
5 Ea se nang kelello ha a mamele khalemelo ea ntate oa hae+Empa motho ea mamelang khalemelo o bohlale.+
6 Ho na le maruo a mangata ka tlung ea motho ea lokilengEmpa moputso oa ea khopo o* mo bakela mathata.+
7 Melomo ea ba bohlale e ntse e jala tsebo+Empa lipelo tsa ba hlokang kelello ha li etse joalo.+
8 Sehlabelo sa ba khopo sea nyonyeha ho Jehova+Empa thapelo ea ba lokileng ea mo khahlisa.+
9 Jehova o nyonya tsela ea motho ea khopo+Empa o rata ea phehellang ho etsa se nepahetseng.+
10 Taeo e mpe* ho ea khelohang tsela+Empa mang kapa mang ea hloileng khalemelo o tla shoa.+
11 Jehova o bona ba ka Lebitleng* le sekoting sa timetso,*+Joale a ka sitoa ke’ng ho bona se ka lipelong tsa batho?+
12 Moikhohomosi ha a rate motho ea mo khalemelang.+
A ke ke a kopa keletso ho ba bohlale.+
13 Pelo e thabileng e etsa hore sefahleho se khanye khotsoEmpa pelo e utloileng bohloko e liha moea.+
14 Motho ea bohlale o* batla tsebo+Empa melomo ea batho ba se nang kelello e ja* booatla.+
15 Bophelo ba motho ea hlorileng bo bosula+Empa motho ea pelo e thabileng* o lula a e-na le khotso.*+
16 Ho molemo ho ba le ho honyenyane empa u tšaba Jehova+Ho feta ho ba le maruo a mangata a tsamaeang le matšoenyeho.*+
17 Ho molemo ho ja meroho moo ho nang le lerato+Ho feta ho ja poho e nonneng* moo ho nang le lehloeo.+
18 Motho ea bohale o baka liqabang+Empa ea liehang ho halefa o felisa khang.+
19 Tsela ea motho ea botsoa e tletse meutloa+Empa tsela ea ba lokileng e bataletse.+
20 Mora ea bohlale o thabisa ntate oa hae+Empa motho ea hlokang kelello o tella ’mè oa hae.+
21 Ea se nang kelello* o thabela booatla+Empa motho ea nang le temoho o tsamaea tseleng e nepahetseng.+
22 Merero ea senyeha moo ho sa buisanoeng*Empa ha baeletsi ba le bangata ho ba le katleho.+
23 Motho oa thaba ha a fana ka karabo e ntle+’Me lentsoe le buuoang ka nako e nepahetseng le molemo haholo.+
24 Ea nang le temoho o tsamaea tseleng e lebisang bophelong+E le hore e mo qobise tsela e theohelang Lebitleng.*+
25 Jehova o tla liha ntlo ea ba ikhohomosang+Empa o tla sireletsa moeli oa masimo a mohlolohali.+
26 Jehova o nyonya merero ea motho ea khopo+Empa o rata lipolelo tse thabisang.+
27 Ea etsang phaello ka bolotsana o tlisetsa ba ntlo ea hae mathata*+Empa ea hloileng tjotjo o tla ’ne a phele.+
28 Motho ea lokileng oa nahana pele a bua*+Empa melomo ea ba khopo e phasoloha lintho tse fosahetseng.
29 Jehova o hole haholo le ba khopoEmpa o utloa thapelo ea ba lokileng.+
30 Sefahleho se elileng se thabisa pelo,Tlaleho e monate ea matlafatsa.*+
31 Motho ea mamelang khalemelo e fanang ka bopheloO lula har’a batho ba bohlale.+
32 Mang kapa mang ea hanang khalemelo o hloile bophelo ba hae+Empa mang kapa mang ea mamelang khalemelo o fumana kutloisiso.*+
33 Ho tšaba Jehova ho ruta motho ho ba bohlale+’Me boikokobetso bo etsa hore motho a hlomphuoe.+
Linaletsana
^ Kapa: “le bohloko.”
^ Kapa: “e mosa.”
^ Kapa: “Mantsoe a folisang.”
^ Kapa: “lihlahisoa tsa ea khopo li.”
^ Kapa: “bohloko.”
^ Kapa: “Sheole.” Sheba Tlhaloso.
^ Kapa: “le Abadone.”
^ Kapa: “phehella.”
^ Ka Seheberu: “Pelo e nang le kutloisiso e.”
^ Kapa: “ntle.”
^ Kapa: “mokete.”
^ Kapa: “pherekano.”
^ Ka Seheberu: “poho e fepetsoeng sejelong.”
^ Ka Seheberu: “Eo pelo ea hae e haelloang.”
^ Kapa: “moo ho se nang boeletsi.”
^ Kapa: “Sheole.” Sheba Tlhaloso.
^ Kapa: “masoabi.”
^ Kapa: “Pelo ea ea lokileng ea thuisa pele e araba; e nahana ka hloko hore na e re’ng.”
^ Ka Seheberu: “e nontša masapo.”
^ Ka Seheberu: “pelo.”
