Liproverbia 17:1-28
17 Ho molemo ho ja sekokotoana sa bohobe moo ho nang le khotso*+Ho feta ho ba le mokete* ntlong e tletseng liqabang.+
2 Mohlanka ea nang le temoho o tla busa mora oa mong’a hae ea liketso li soabisang,O tla ja lefa joaloka e mong oa bara ba mong’a hae.
3 Silevera le khauta li hloekisoa ka ho qhibilihisoa mollong+Empa Jehova ke eena ea hlahlobang lipelo.+
4 Motho ea khopo o mamela ka hloko lipuo tse bohloko.
Molotsana o mamela lipuo tse hlabang.+
5 Motho ea somang mofutsana o rohaka ’Mopi* oa hae.+
Ea thabelang koluoa ea e mong o tla fumana kotlo.+
6 Korone ea ba holileng ke litloholo,Bana* ba ikotla sefuba ka batsoali ba bona.*
7 Lipuo tse lokileng* ha li tšoanele motho ea se nang kelello.+
Leshano le lona ha le tšoanele morena.*+
8 Mpho e tšoana le lejoe la bohlokoa ho motho ea fanang ka eona.+
E mo atlehisa nthong e ’ngoe le e ’ngoe eo a e etsang.+
9 Mang kapa mang ea tšoarelang* phoso o batla lerato+Empa ea lulang a bua ka phoso o arola metsoalle ea hlooho ea khomo.+
10 Motho ea nang le kutloisiso oa mamela ha a khalemeloa+Empa motho ea se nang kelello ha a mamele leha a ka otloa halekholo.+
11 Motho ea khopo o ipatlela borabele feelaEmpa moromuoa ea khopo o tla romeloa ho ea mo fa kotlo.+
12 Ho molemo hore motho a teane le bere e nketsoeng malinyaneHo feta hore a teane le sethoto se tšepileng bothoto ba sona.+
13 Haeba mang kapa mang a buseletsa botle ka bobe,Bobe bo ke ke ba tloha ntlong ea hae.+
14 Ho qala ntoa ho tšoana le ho bulela letamo la metsi.*
Pele khang e qhoma, u itsamaele.+
15 Mang kapa mang ea lokollang ea khopo le mang kapa mang ea ahlolang ea lokileng,+Ka bobeli baa nyonyeha ho Jehova.
16 Ho na le molemo ofe ha sethoto se fumana bohlaleEmpa se se na kelello?*+
17 Motsoalle oa ’nete o lerato ka linako tsohle+’Me ke ngoan’eno eo u ka mo tšepang linakong tsa mahlomola.+
18 Motho ea se nang kelello* o etsa tumellano’Me o itlama ka pel’a moahisani hore o tla patalla motho e mong sekoloto.+
19 Ea ratang likhang o tla etsa liphoso.+
Mang kapa mang ea lulang a ithorisa o ipitsetsa tlokotsi.*+
20 Ea pelo e bolotsana a ke ke a atleha*+’Me ea leshano o tla oela tlokotsing.
21 Motsoali oa ngoana ea hlokang kelello o tla sareloa,Ntate oa ngoana ea se nang kelello ha a thabe.+
22 Pelo e thabileng ke moriana+Empa ha motho a oele moea o felloa ke matla.*+
23 Ea khopo o tla nka tjotjo ka sekhukhu*E le hore a sothe litsela tsa toka.+
24 Motho ea nang le temoho o shebile bohlale feelaEmpa ea hlokang kelello o thalatsa mahlo ho ea fihla moo lefatše le fellang.+
25 Mora ea hlokang kelello o bakela ntate oa hae mesareloHape o tšoarisa ’mè oa hae hlooho.*+
26 Ha ho hotle ho fa ea lokileng kotlo.*
Ho otla bahlomphehi ha se ntho e lokileng.
27 Motho ea nang le tsebo oa ithiba ha a bua,+Athe motho ea nang le temoho o tla lula a khobile matšoafo.+
28 Esita le motho ea se nang kelello, ha a thola o tla nkoa a le bohlale.
Ea koalang molomo oa hae o tla nkoa a e-na le temoho.
Linaletsana
^ Ka Seheberu: “mahlabelo.”
^ Kapa: “khutso.”
^ Ka Seheberu: “Moetsi.”
^ Kapa: “Bara.”
^ Kapa: “bo-ntate ba bona.”
^ Kapa: “monate.”
^ Kapa: “mohlomphehi.”
^ Ka Seheberu: “koahelang.”
^ Kapa: “moroallo oa metsi.” Ka Seheberu: “ho bulela metsi.”
^ Ka Seheberu: “pelo.”
^ Ka Seheberu: “eo pelo ea hae e haelloang.”
^ Kapa: “Mang kapa mang ea phahamisang keiti ea hae o batla ho oa.”
^ Ka Seheberu: “fumana se molemo.”
^ Kapa: “o omella masapo.”
^ Ka Seheberu: “sefubeng.”
^ Ka Seheberu: “o khopisa ’mè oa hae.”
^ Kapa: “ho lefisa ea lokileng.”
