Liproverbia 19:1-29
19 Ho molemo ho futsaneha empa u tšepahala+Ho feta ho ba sethoto u bile u bua leshano.+
2 Ha se ntho e ntle hore motho a hloke tsebo,+Ea etsang lintho ka lepotlapotla* o etsa sebe.
3 Booatla ba motho bo mo lebisa tseleng e fosahetsengEbe pelo ea hae e halefela Jehova.
4 Motho ea ruileng o ba le metsoalle e mengataEmpa motho ea futsanehileng o tla lahloa le ke motsoalle oa hae ea mong.+
5 Paki ea bohata e tla fumana kotlo,+Motho ea leshano a ke ke a phonyoha.+
6 Ba bangata ba batla ho ratoa ke mohlomphehi*’Me e mong le e mong ke motsoalle oa motho ea fanang ka limpho.
7 Bana ba bo mofutsana ba mo hloile kaofela.+
Metsoalle ea hae e mo furaletse le ho feta.+
O lula a ba kopa empa ha ba na taba le eena.
8 Ea batlang bohlale* oa ithata.+
Ea ratang* temoho o tla atleha.*+
9 Paki ea bohata e tla fumana kotlo,Ea leshano o tla timela.+
10 Sethoto ha se tšoaneloe ke ho hafa ka nkatanaFeela joalokaha mohlanka a sa tšoaneloe ke ho busa likhosana.+
11 Motho ea nang le temoho o lieha ho halefa+’Me o tla hlomphuoa ka lebaka la ho iphapanyetsa phoso.*+
12 Khalefo ea morena e tšoana le ho rora ha tau*+Empa lerato la hae le joaloka phoka holim’a limela.
13 Mora ea hlokang kelello o tlisetsa ntate oa hae litsietsi.+
Mosali ea ratang likhang* eena o tšoana le marulelo a lulang a nela.+
14 Ntlo le maruo ke lefa le tsoang ho bo-ntateEmpa mosali ea bohlale ke mpho e tsoang ho Jehova.+
15 Motho ea botsoa o rata boroko haholo.
Motho ea sa batleng ho sebetsa o tla lapa.+
16 Ea mamelang taelo o boloka bophelo ba hae,+Ea sa tsotelleng litsela tsa hae o tla shoa.+
17 Ea hauhelang mofutsana o alima Jehova+’Me O tla mo putsa* ka lebaka la seo a se entseng.+
18 Khalemela mora oa hao ha monyetla o sa le teng+E le hore u se ke oa ba molato ha a se a shoele.+
19 Ha motho e le sefela-peloana o tla lefa haboima.
Ha u ka leka ho mo lopolla, u tla lula u mo lopolla nako le nako.+
20 Mamela keletso ’me u amohele khalemelo+E le hore u hlalefe ka moso.+
21 Merero e ka pelong ea motho e mengataEmpa morero oa Jehova o tla ema o tiile.+
22 Ntho e khahlehang ho motho ke lerato+Ebile ho molemo ho futsaneha ho e-na le ho ba motho ea leshano.
23 Ho tšaba Jehova ho lebisa bophelong,+Ea mo tšabang o tla phela ka boiketlo, ha ho na letho le tla mo ntša kotsi.+
24 Ea botsoa o kentse letsoho la hae ka sekotlolong se seholoEmpa o tsoafa le ho le isa ka hanong la hae.+
25 Shapa mosomi+ e le hore ea se nang tsebo a ka hlalefa,+Khalemela ea bohlale e le hore a eketse tsebo ea hae.+
26 Ea tšoarang ntate oa hae hampe le ea lelekang ’mè oa haeKe mora ea soabisang le ea tlotlollang.+
27 Mora oa ka, haeba u khaotsa ho mamela ha u lauoa,U tla kheloha lithuto tsa tsebo.
28 Paki e khopo e nyefola toka,+Batho ba khopo ba natefeloa ke ho etsa bokhopo.+
29 Basomi ba emetsoe ke kahlolo+Le mekokotlo ea ba hlokang kelello e emetsoe ke phafa.+
Linaletsana
^ Ka Seheberu: “ea potlakang ka maoto a hae.”
^ Kapa: “motho ea fanang.”
^ Kapa: “Ea sepheo se setle.” Ka Seheberu: “Ea batlang pelo.”
^ Ka Seheberu: “o tla fumana se molemo.”
^ Kapa: “bolokang.”
^ Kapa: “tlolo.”
^ Kapa: “taoana e moetse.”
^ Kapa: “likomang.”
^ Kapa: “buseletsa.”
