Liproverbia 2:1-22
2 Mora oa ka, haeba u amohela lipolelo tsa kaU bile u boloka litaelo tsa ka,+
2 Ka ho etsa hore tsebe ea hao e mamele bohlale+Le ho etsa hore pelo ea hao e labalabele temoho,+
3 Ho feta moo, haeba u hoeletsa kutloisiso+’Me u bitsa temoho,+
4 Haeba u ntse u li batla joaloka silevera,+U bile u li batlisisa joaloka matlotlo a patiloeng,+
5 U tla utloisisa hore na ho tšaba Jehova ho bolela’ng+’Me u tla tseba Molimo.+
6 Jehova o fana ka bohlale,+Molomong oa hae ho tsoa tsebo le temoho.
7 O bolokela ba lokileng bohlale,Ke thebe bakeng sa ba tšepahalang.*+
8 O lebela litsela tsa toka’Me o tla lebela tsela ea ba tšepahalang ba hae.+
9 U tla utloisisa ho nepahetseng, toka le botšepehi,U tla utloisisa tsela e nepahetseng.+
10 Ha bohlale bo kena ka pelong ea hao+Le tsebo e u khahlisa,+
11 Bokhoni ba ho nahana bo tla u lebela+Le temoho e tla u sireletsa,
12 Ho u pholosa tseleng e khopo,Ho motho ea buang lintho tse tsoileng tseleng,+
13 Ho ba furallang litsela tse lokilengHore ba tsamaee litseleng tsa lefifi,+
14 Ho ba thabelang bobe,Ba thabelang lintho tse tsoileng tseleng,
15 Ba metsamao e mebeLe bao litsela tsohle tsa bona e leng bokhopo.
16 Bohlale bo tla u pholosa ho mosali oa letekatse,*Ho mosali ea boitšoaro bo bobe* ea ekang ka lipuo,+
17 Ea nyahlatsang motsoalle* oa hae oa ho tloha bocheng+A bile a lebala litumellano tsa hae le Molimo.
18 Ho ea ha hae ho tšoana le ho ikisa lefungLe tsela e eang ha hae e lebisa lebitleng.+
19 Ha ho le ea mong oa ba robalang le eena ea tla khutlaEbile ha ho le ea mong oa bona ea tla boela a fumane litsela tsa bophelo.+
20 Kahoo, tsamaea tseleng ea batho ba molemo,U lule litseleng tsa ba lokileng.+
21 Ke ba lokileng feela ba tla lula lefatšeng.
Ba lulang ba tšepahala* ba tla sala ho lona.+
22 Ha e le ba khopo, ba tla felisoa lefatšeng+’Me ba bolotsana ba tla timetsoa.+
Linaletsana
^ Ka Seheberu: “ba tsamaeang ka botšepehi.”
^ Ka Seheberu: “osele.” Ho bonahala e le ea sa lateleng melao ea Molimo.
^ Ka Seheberu: “molichaba.” Ho bonahala e le ea sa lateleng melao ea Molimo.
^ Kapa: “monna.”
^ Kapa: “ba sa tšoauoeng phoso.”
