Liproverbia 31:1-31
31 Mantsoe a Morena Lemuele, molaetsa o boima oo ’mè oa hae a ileng a mo bolella oona ho mo laea:+
2 Ke re’ng ho uena mora oa ka?
Ke re’ng, mora oa ka eo ke mo tsoetseng?
Nka re’ng uena mora oa ka eo ke entseng boitlamo ka eena?+
3 U se ke oa fana ka matla a hao ho basali+Kapa oa latela litsela tse timetsang marena.+
4 Ha hoa lokela marena, uena Lemuele,Ha hoa lokela hore marena a noe veineKapa hore babusi ba re: “Joala ba ka bo kae?”+
5 Ba se ke ba noa ’me ba lebala molaoEaba ba hanela bafutsana ka litokelo tsa bona.
6 Fana ka joala ho ba shoang+Le veine ho ba sithabetseng.+
7 Ba ke ba noe ’me ba lebale bofutsana ba bona,Ba se ke ba hlola ba hopola mathata a bona.
8 Buella batho ba sa khoneng ho bua,U sireletse litokelo tsa bohle ba shoang.+
9 Bua ’me u ahlole ka ho loka.
Sireletsa litokelo tsa bafutsana le bahloki.+
א [Aleph]
10 Ke mang ea ka fumanang mosali oa sebele?*+
Mosali eo o bohlokoa haholo ho feta likorale.*
ב [Beth]
11 Monna oa hae o mo tšepa ka pelo eohle’Me monna oa hae ha a hloke letho.
ג [Gimel]
12 Ka matsatsi ’ohle a bophelo ba hae,O putsa monna oa hae ka lintho tse molemo, eseng tse mpe,
ד [Daleth]
13 O fumana boea ba linku le line,O thabela ho sebetsa ka matsoho.+
ה [He]
14 O tšoana le likepe tsa rakhoebo,+O tlisa bohobe ba hae ho tsoa hole.
ו [Waw]
15 O boetse o tsoha esale ka matjeke,O fa ba ntlo ea hae lijoA fe le baroetsana ba mo sebeletsang lijo.*+
ז [Zayin]
16 O hlahloba tšimo ebe oa e reka,O lema serapa sa morara ka matsoho a hae.*
ח [Heth]
17 O itokisetsa mosebetsi o boima*+’Me o matlafatsa matsoho a hae.
ט [Teth]
18 Oa bona hore khoebo ea hae e ntle.
Lebone la hae ha le time bosiu.
י [Yod]
19 O tšoere toloki,Matsoho a hae a tšoara thupa e ohlang.*+
כ [Kaph]
20 O thusa bafutsana,O thusa batho ba hlokang.+
ל [Lamed]
21 Ha a tšoenyehe ka ba ntlo ea hae mariha.
Ba ntlo ea hae kaofela ba apere liaparo tse mofuthu.*
מ [Mem]
22 O iketsetsa masela a koahelang bethe.
Liaparo tsa hae ke tsa line le boea bo pherese.
נ [Nun]
23 Monna oa hae oa hlompheha likeiting tsa motse+Moo a lulang har’a banna ba baholo ba motse.
ס [Samekh]
24 O etsa liaparo tsa line* ebe oa li rekisa’Me o rekisetsa bo-rakhoebo mabanta.
ע [Ayin]
25 O apere matla le bokhabaneEbile ha a tšoenyehe ka* letsatsi le hlahlamang.
פ [Pe]
26 Ha a phahamisa molomo o bua lintho tse bohlale.+
Molao oa mosa o laola leleme la hae.*
צ [Tsade]
27 O amehile ka mesebetsi ea lelapa la haeHape ha a je bohobe ba botsoa.+
ק [Qoph]
28 Bana ba hae baa ema, ba phatlalatsa hore o thabile.
Monna oa hae oa ema ’me oa mo rorisa.
ר [Resh]
29 Ho na le basali ba sebele* ba bangataEmpa uena u ba feta kaofela.
ש [Shin]
30 Chebahalo e ntle e ka thetsa, le botle boa fela*+Empa mosali ea hlomphang* Jehova o tla rorisoa.+
ת [Taw]
31 Mo feng moputso bakeng sa lintho tseo a li etsang.*+
Le mesebetsi ea hae e ke e mo rorise likeiting tsa motse.+
Linaletsana
^ Kapa: “oa ’makhonthe.”
^ Kapa mohlomong: “mosebetsi.”
^ Kapa: “moputso oa hae.” Ka Seheberu: “litholoana tsa matsoho a hae.”
^ Ka Seheberu: “O itlamme letheka ka thata.”
^ Toloki le thupa e ohlang li ne li sebelisoa ho etsa khoele ka boea kapa ho e harela.
^ Ka Seheberu: “morumo.”
^ Kapa: “liaparo tsa ka hare.”
^ Kapa: “o tšeha.”
^ Kapa: “ha a ruta, o mosa.” Ka Seheberu: “molao oa mosa o lelemeng la hae.”
^ Kapa: “ba ’makhonthe.”
^ Kapa: “ke lefeela.”
^ Kapa: “tšabang.”
^ Ka Seheberu: “Mo feng litholoana tsa mosebetsi oa hae.”
