Sefela sa Lifela 2:1-17
2 ’Na ke palesa ea safrone feela e pel’a lebopo la leoatle,Ke mohalalitoe oa likhohlo.”+
2 “Joaloka mohalalitoe har’a meutloa,Moratuoa oa ka o joalo har’a baroetsana.”
3 “Joaloka sefate sa liapole har’a moru,Moratuoa oa ka o joalo har’a bahlankana.
Ke labalabela ho lula moriting oa hae’Me litholoana tsa hae lia ’natefela.
4 O ile a ntlisa ntlong ea mokete*’Me batho bohle ba ne ba bona hore oa nthata.
5 Nkhatholleng ka lipolokoe tsa morara o omisitsoeng,+Le ’matlafatse ka liapoleHobane kea shoa ke lerato.
6 Letsoho la hae le letšehali le tlas’a hlooho ea ka,O nkopa ka letsoho la hae le letona.+
7 Barali ba Jerusalema, ke le hlapantšaKa likhama+ tse tšehali tsa naha le ka litšephe:
Le se ke la leka ho tsosa lerato ka ho ’na ho fihlela lerato le itlhahisa.+
8 Ke utloa lentsoe la moratuoa oa ka.
Bonang! Ke eo a tla,O hloa lithaba, o tlolaka maralleng.
9 Moratuoa oa ka o tšoana le tšephe, o tšoana le namane e tona ea khama.+
Ke eo o eme ka mor’a lerako la rona,O shebile ka lifensetere,O nyaretse ka fensetere.
10 Moratuoa oa ka o re ho ’na:
‘Ema, lerato la ka,Seponono sa ka, u tsamaee le ’na.
11 Bona, mariha a* fetile,Lipula li emisitse, li fetile.
12 Lithunthung li hlahile naheng,+Nako ea ho kuta lifate e fihlile+’Me pina ea leebana-khoroana ea utloahala naheng ea rona.+
13 Sefateng sa feie,* lifeie tse butsoang pele li se li butsoitse.+
Lifate tsa morara li thuntse, li ntša monko o monate.
Ema, u tle moratuoa oa ka,Seponono sa ka, a re tsamaee.
14 Leeba la ka le itširelelitseng lefikeng,+Mahaheng a selomo,E-re ke u bone ke be ke utloe lentsoe la hao+Hobane lentsoe la hao le monate ebile u motle.’”+
15 “Re tšoareleng liphokojoe,Malinyane a liphokojoe a senyang lirapa tsa moraraKaha lirapa tsa rona tsa morara li thuntse.”
16 “Moratuoa oa ka ke oa ka ke le mong ’me ’na ke oa hae.+
O lisetsa+ moo ho nang le mehalalitoe.+
17 Pele ho phola* le meriti e baleha,U khutle kapele, moratuoa oa ka,Joaloka tšephe+ kapa namane e tona ea khama+ e holim’a lithaba tse re arohantseng.”*
Linaletsana
^ Ka Seheberu: “ntlong ea veine.”
^ Kapa: “nako ea lipula e.”
^ Kapa: “feiga.”
^ Ka Seheberu: “letsatsi le phola.”
^ Kapa mohlomong: “lithaba tse arohaneng.” Kapa: “lithaba tsa Bethere.”
