Sefela sa Lifela 3:1-11
3 Ke ile ka batla moratuoa oa ka,*+Ke le betheng ea ka bosiu.
Ke ile ka mo batla empa ha kea ka ka mo fumana.+
2 Ke tla ema ’me ke pote motse,Literateng le limmarakeng,Ke tla batla moratuoa oa ka.*
Ke ile ka mo batla empa ha kea ka ka mo fumana.
3 Balebeli ba potolohang motseng ba ile ba kopana le ’na.+
Ka re ho bona: ‘Na le bone moratuoa oa ka?’*
4 Eare ke sa tsoa ba fetaKa fumana moratuoa oa ka.*
Ke ile ka mo tšoara ’me ke ne ke sa batle ho mo tlohelaHo fihlela ke mo tlisitse ka tlung ea ’Mè,+Ka kamoreng ea ea ntsoetseng.
5 Barali ba Jerusalema, ke le hlapantšaKa likhama tse tšehali tsa naha le ka litšephe:
Le se ke la leka ho tsosa lerato ka ho ’na ho fihlela lerato le itlhahisa.”+
6 “Ke’ng ntho ee e nyolohang naheng joaloka mosi,E nkhisitsoeng hamonate ka mira, libano tse tšoeuLe liphofshoana tsa rakhoebo tsa mefuta eohle tse nkhang hamonate?”+
7 “Ke setulo* sa Solomone.
Banna ba 60 ba matla ba se pota-potile,Ke banna ba matla ba Iseraele,+
8 Kaofela ha bona ba tšoere lisabole,Ba koetliselitsoe ho loana,E mong le e mong o sabole thekeng la haeE le ho mo sireletsa linthong tse kotsi bosiu.”
9 “Ke setulo* sa Morena SolomoneSeo a iketselitseng sona ka lifate tsa Lebanone.+
10 O entse litšiea* tsa sona ka silevera,Mokokotlo oa sona ke khauta.
Moo a lulang teng ho entsoe ka boea bo pherese,Bokahare ba sona bo khabisitsoe hantleKe barali ba Jerusalema.”
11 “Tsoang lona barali ba Sione,Le bone Morena Solomone.
O roetse korone* eo ’mè oa hae+ a mo etselitseng eonaKa letsatsi la lenyalo la hae,Letsatsing leo pelo ea hae e neng e thabile.”
Linaletsana
^ Kapa: “eo moea oa ka o mo ratang.”
^ Kapa: “eo moea oa ka o mo ratang.”
^ Kapa: “eo moea oa ka o mo ratang.”
^ Kapa: “eo moea oa ka o mo ratang.”
^ E ne e le setulo se neng se sebelisetsoa ho nka ba boholong.
^ E ne e le setulo se neng se sebelisetsoa ho nka ba boholong.
^ E ne e le litšiea tse tšehetsang marulelo a setulo seo, e le hore morena a be tlas’a moriti.
^ E ka ’na eaba korone eo e ne e entsoe ka lipalesa kapa makhasi.
