Sefela sa Lifela 8:1-14
-
Mantsoe a moroetsana (1-4)
-
“Hoja u ne u le khaitseli ea ka” (1)
-
-
Likhaitseli tsa moroetsana (5a)
-
‘Ke mang ngoanana eo ea itšetlehileng ka moratuoa oa hae?’
-
-
Mantsoe a moroetsana (5b-7)
-
“Lerato le matla joaloka lefu” (6)
-
-
Likhaitseli tsa moroetsana (8, 9)
-
“Haeba ke lerako, . . . empa haeba ke monyako, . . .” (9)
-
-
Mantsoe a moroetsana (10-12)
-
“’Na ke lerako” (10)
-
-
Mantsoe a molisana (13)
-
‘E-re ke utloe lentsoe la hao’
-
-
Mantsoe a moroetsana (14)
-
“U mathe ka lebelo joaloka tšephe”
-
8 Hoja u ne u le khaitseli ea ka,E antseng matsoele a ’mè oa ka.
Ha ke ne nka u fumana ka ntle, ke ne ke tla u suna+’Me ho ne ho se motho ea tla ncheba hampe.
2 Ke ne ke tla u etella pele,Ke u tlise ka tlung ea ’Mè+Ea nthutileng.
Ke ne ke tla u fa veine e nokiloeng ka linoko hore u e noe,Lero le lecha la likharenate.
3 Letsoho la hae le letšehali le ne le tla ba tlas’a hlooho ea kaEbe o nkopa ka letsoho la hae le letona.+
4 Barali ba Jerusalema, kea le hlapantšaHore le se ke la leka ho tsosa lerato ka ho ’na ho fihlela lerato le itlhahisa.”+
5 “Ke mang ngoanana eo ea nyolohang naheng,Ea itšetlehileng ka moratuoa oa hae?”
“Ke ile ka u tsosa tlas’a sefate sa liapoleMoo ’mè oa hao a ileng a ba le mahlaba a pelehi.
Ke hona moo a ileng a u pepela teng.
6 Mpehe joaloka setempe pelong ea hao,Joaloka setempe letsohong la haoHobane lerato le matla joaloka lefu,+Botšepehi bo phehella joaloka Lebitla.*
Malakabe a lerato ke mollo o chesang, lelakabe la Jah.*+
7 Metsi a mangata a ke ke a tima lerato,+Le linoka li ke ke tsa le hohola.+
Haeba motho a ne a ka fana ka maruo ’ohle a ntlo ea hae bakeng sa lerato,Batho ba ne ba tla a* nyatsa.”
8 “Re na le khaitseli e nyenyane+E se nang matsoele.
Re tla etsetsa khaitseli ea rona engLetsatsing leo a tla kopuoa ka lona?
9 Haeba ke lerako,Re tla haha tora ea silevera holim’a haeEmpa haeba ke monyako,Re tla mo koala ka lepolanka la kedare.”
10 “ ’Na ke lerakoLe matsoele a ka a joaloka litora.
Ke kahoo mahlong a hae ke leng mothoEa nang le khotso.
11 Solomone o ne a e-na le serapa sa morara+ Baale-hamone.
O ile a se siea matsohong a bahlokomeli.
E mong le e mong o ne a tlisa likotoana tsa silevera tse sekete bakeng sa litholoana tsa sona.
12 Likotoana tse sekete tsa silevera* ke tsa hao, uena Solomone’Me makholo a mabeli ke a ba hlokomelang litholoana tsa sonaEmpa ’na ke na le serapa sa ka sa morara se taolong ea ka.”
13 “Uena ea lulang lirapeng,+Metsoalle ea ka* e thehile tsebe hore e utloe lentsoe la hao.
E-re ke le utloe.”+
14 “Potlaka, moratuoa oa ka,U mathe ka lebelo joaloka tšephe+Kapa joaloka namane e tona ea khamaHolim’a lithaba tsa linoko.”
Linaletsana
^ Kapa: “Sheole.” Sheba Tlhaloso.
^ “Jah” ke khutsufatso ea lebitso Jehova.
^ Kapa mohlomong: “mo.”
^ Ka Seheberu: “Tse sekete.”
^ Kapa mohlomong: “ea hao.”
