Zakaria 10:1-12
10 “Kopang Jehova hore a le fe pula nakong ea lipula tsa selemo.
Ke Jehova ea etsang maru a sefefo,Ea nesetsang batho pula+Le ea fang batho bohle lijalo masimong.
2 Litšoantšo tsa terafime* li buile leshano.
Linohe li bone pono ea leshano.*
Li bua ka litoro tse se nang thusoLe likhothatso tsa tsona ha li na molemo.
Ke ka lebaka leo sechaba se tla lelera joaloka linku.
Se tla sotleha hobane ha ho na molisa.
3 Ke halefetse balisa haholoEbile ke tla etsa hore baeta-pele* ba hatellang batho ba bang ba ikarabelle.
Jehova oa mabotho o hopotse mohlape oa hae+ e leng batho ba Juda.
O entse hore ba be joaloka pere ea hae e hlomphehang ntoeng.
4 Ho bona ho tsoa monna oa bohlokoa.*
’Musi* o tsoa ho bona,Seqha sa ntoa se tsoa ho bona.
Molebeli* e mong le e mong o tsoa ho bona, kaofela ba tsoa ho bona.
5 Ba tla ba joaloka banna ba matla,Ba hatakelang seretse sa literata ntoeng.
Ba tla ea ntoeng hobane Jehova o na le bona.+
Bapalami ba lipere ba tla hlajoa ke lihlong.+
6 Ke tla etsa hore batho ba Juda ba be matlaEbile ke tla pholosa litloholo tsa Josefa.+
Ke tla ba khutlisetsa naheng ea bonaHobane ke tla ba hauhela.+
E tla ba joalokaha eka ha kea ka ka ba lahla.+
Ke ’na Jehova Molimo oa bona ’me ke tla ba araba.
7 Batho ba Efraime ba tla ba joaloka monna ea matla,Ba tla thaba joalokaha eka ba thabisoa ke ho noa veine.+
Bana ba bona ba tla bona sena ’me ba thabe.
Lipelo tsa bona li tla thaba ka lebaka la seo ’na Jehova ke se entseng.+
8 ‘Ke tla ba letsetsa mololi ’me ke ba phuthe.
Ke tla ba lopolla+ ’me ba tla ba bangataEbile ba tla lula ba eketseha.
9 Le hoja ke ba hasanya joaloka peo har’a lichaba,Ba tla nkhopola ba le libakeng tse hole.
Bona le bara ba bona ba tla boela ba be le matla ’me ba khutle.
10 Ke tla ba khutlisa naheng ea EgepetaEbile ke tla ba phutha ho tsoa Asiria,+Ke ba tlise naheng ea Gileade+ le ea Lebanone.
Sebaka seo le sona se ke ke sa ba lekana.+
11 Ke tla feta har’a leoatle ka hore ke le sitiseEbile ke tla otla maqhubu a lona.+
Metsi ’ohle a Nile a tla psha.
Ke tla kokobetsa Asiria e ikhohomosang.
Matla* a Egepeta a ho busa a tla fela.+
12 ’Na Jehova ke tla etsa hore ba be matla.+
Ba tla phela ka tsela e tlotlisang lebitso la ka,’+ ke Jehova ea chong.”
Linaletsana
^ Kapa: “melimo ea litšoantšo ea ka tlung.”
^ Kapa: “lintho tse sa tloaelehang; boselamose.”
^ Ka Seheberu: “lipoli tse tona.”
^ Ka Seheberu: “tora e k’honeng,” ntho e tšoantšetsang monna oa bohlokoa; khosana.
^ Ka Seheberu: “Sepekere,” ntho e tšoantšetsang motho ea tšehetsang.
^ Kapa: “Motho ea fanang ka mosebetsi.”
^ Ka Seheberu: “Lere.”
