10:13

Jehova a ka khetha ho tlosa kapa ho felisa teko ea rona; empa, hangata o re ‘bulela tsela ea ho tsoa tekong’ ka hore a re fe matla ao re a hlokang e le hore re khone ho mamella.

• A ka re thusa ho nahana lintho hantle, le ho ba le maikutlo a nepahetseng a sebelisa Lentsoe la hae, moea o halalelang le lingoliloeng tse thehiloeng Bibeleng tse tsoang ho Lekhoba le Tšepahalang.​—Mat 24:​45; Joh 14:​16; Bar 15:4

• A ka re tataisa ka moea o halalelang, o ka re hopotsang litlaleho tse ka Bibeleng le melao-motheo e ka ho eona, e le hore re etse liqeto tse nepahetseng.​—Joh 14:26

• A ka sebelisa mangeloi ho re thusa.​—Heb 1:14

• A ka sebelisa balumeli ’moho le rona ho re thusa.​—Kol 4:11