PHELA JOALOKA MOKRESTE
Hopolang Mosali oa Lota
Ke hobane’ng ha mosali oa Lota a ile a hetla ha a ne a baleha Sodoma? Bibele ha e bolele lebaka. (Gen 19:17, 26) Ho latela moelelo oa keletso ea Jesu, ho ka etsahala hore o ne a labalabela lintho tseo a li siileng. (Lu 17:31, 32) Re ka qoba ho lahleheloa ke kamohelo ea Molimo joaloka mosali oa Lota joang? Ha rea lokela ho lumella ho batla lintho tse bonahalang hore e be hona ho tlang pele bophelong ba rona. (Mat 6:33) Jesu o itse ‘re ke ke ra ba makhoba a Molimo le a Maruo.’ (Mat 6:24) Ho thoe’ng haeba re hlokomela hore lintho tse bonahalang li re sitisa ho sebeletsa Jehova? Re lokela ho rapela Jehova e le hore a re thuse ho lemoha moo re lokelang ho etsa liphetoho, le ho re fa matla le sebete sa ho etsa joalo.
U NAHANNE KA LIKAROLO TSE THARO TSA VIDEO EA HOPOLANG MOSALI OA LOTA, ARABA LIPOTSO TSE LATELANG:
-
Nka bontša joang ka liketso hore ke ‘hopola mosali oa Lota’?
Ho susumelletsoa ho ba le chelete e ngata ho ile ha ama tsela eo ’Mamosa a nahanang, a buang le eo a etsa lintho ka eona joang?
-
Re ithuta’ng ho se etsahaletseng mosali oa Lota?
-
Ho sebelisa melao-motheo ea Bibele ho ile ha thusa Kopano le lelapa la hae joang?
-
Ho tloaelana ha Nthati le batho bao a neng a sebetsa le bona ho ile ha ama kamano ea hae le Molimo joang?
-
Ke hobane’ng ha re lokela ho ba sebete sa ho hanela tšusumetso ea hore chelete e be eona e tlang pele bophelong ba rona?
-
Theko le ’Mamosa ba ile ba etsa’ng e le hore ba be le kamano e ntle le Molimo hape?
-
Ke melao-motheo efe ea Bibele eo u ithutileng eona videong ee?
