Jesu o itse: “Le amohetse ntle ho tefo, le fane ntle ho tefo.” (Mat 10:8) Re mamela tataiso eo ka hore re se ke ra patalisa batho ha re fana ka Bibele kapa sengoloa sa Bibele. (2Ko 2:17) Leha ho le joalo, lingoloa tsena li na le molaetsa oa bohlokoa e leng ’nete ea Bibele. Ho sebetsoa ka thata ebile ho sebelisoa chelete e ngata ho printa lingoloa tsena le hore li romeloe liphuthehong lefatšeng lohle. Kahoo, re lokela ho nka feela tseo re tla li hloka.

Sebelisa temoho ha u fa batho lingoloa esita leha u etsa bopaki ba phatlalatsa. (Mat 7:6) Etsa boiteko ba ho qoqa le motho ho bona hore na ehlile o thabela molaetsa, ho e-na le ho fana feela ka lingoloa. Lipotso tse lebokoseng lena le ka thoko, li tla u thusa hore u bone hore na ke motho ofeng eo u ka mo fang sengoloa. Haeba ho sa hlaka hore na motho o thabela molaetsa kapa che, ho ka ba molemo ho mo fa pampitšana. Empa haeba motho a ikopela makasine kapa sengoloa leha e le sefe u ka mo fa.—Lipr 3:27, 28.