Likhaolo tsa 8 le 9 tsa Matheu li bua ka tšebeletso ea Jesu ha a ne a le Galilea. Ha Jesu a folisa batho o ne a bontša hore o na le matla, empa habohlokoa le ho feta o ne a bontša hore oa ba hauhela hobane a ba rata.

1. Jesu o ile a folisa molepera.—Mat 8:1-3

2. Jesu o ile a phekola mohlanka oa molaoli oa lebotho la sesole.—Mat 8:5-13

   O ile a phekola mohoehali oa Petrose.—Mat 8:14, 15

   O ile a leleka bademona a ba a phekola batho ba neng ba kula.—Mat 8:16, 17

3. Jesu o ile a leleka bademona ba neng ba halefile, a ba lelekela mohlapeng oa likolobe.—Mat 8:28-32

4. Jesu o ile a phekola motho ea holofetseng.—Mat 9:1-8

   O ile a phekola mosali ea ileng a ama seaparo sa hae, hape a tsosa morali oa Jairuse bafung.—Mat 9:18-26

   O ile a phekola batho ba foufetseng le ba sa khoneng ho bua.—Mat 9:27-34

5. Jesu o ile a etela metse le metsana a phekola lefu la mofuta o mong le o mong le mefokolo ea mofuta o mong le o mong.—Mat 9:35, 36

Nka bontša batho joang hore kea ba rata ebile kea ba hauhela?