Haeba u mocha oa Mokreste ea es’o kolobetsoe kapa u seithuti sa Bibele, na u batla ho kolobetsoa? Ke hobane’ng ha u lokela ho kolobetsoa? Ho inehela ho le ho kolobetsoa ho ka u thusa hore u be le setsoalle se matla le Jehova. (Pes 91:1) Ho ka ba ha u thusa hore u pholohe. (1Pe 3:​21) U ka thusoa ke eng hore u qetelle u nkile mehato ee?

Ikholise hore lintho tseo u ithutang tsona ka Jehova ke ’nete. Haeba ho na le lipotso tseo u ipotsang, etsa lipatlisiso e le hore u fumane likarabo. (Bar 12:2) Sheba hore na u hloka ho etsa liphetoho hokae ’me u li etse hobane u batla ho thabisa Jehova. (Lipr 27:​11; Ef 4:​23, 24) Lula u rapela Jehova hore a u thuse. Joang kapa Joang, o tla u matlafatsa le ho u tšehetsa ka moea oa hae o halalelang. (1Pe 5:​10, 11) U tla bona hore boiteko bohle boo u bo etsang e le hore u kolobetsoe bo tla u tsoela khomo. Ho sebeletsa Jehova ke ntho e molemo ka ho fetisisa!​—Pes 16:11.

SHEBELLANG VIDEO EA TSELA E ISANG KOLOBETSONG EBE LE ARABA LIPOTSO TSE LATELANG:

• Batho ba bang ba ile ba tlameha ho hlola mathata afe e le hore ba tle ba kolobetsoe?

• U ka etsa’ng e le hore u be le tumelo e tla u susumelletsa ho inehela ho Jehova?

• Ke’ng e susumelitseng ba bang hore ba etse liphetoho e le hore ba tle ba qetelle ba kolobelitsoe?

• Jehova o hlohonolofatsa batho ba khethang ho mo sebeletsa joang?

• Ho inehela le ho kolobetsoa ho bolela’ng?