Jehova o nka kano ea lenyalo e le ntho ea bohlokoa haholo. O ile a re monna le mosali ba tla khomarelana. (Mat 19:​5, 6) Ho na le bahlanka ba Molimo ba bangata ba thabileng manyalong a bona. Leha ho le joalo, kaha ha rea phethahala ho tla ba le mathata lenyalong. Batho ba bang ba nahana hore ho hlala kapa ho arohana ke tharollo ea mathata lenyalong, empa rona ha rea lokela ho ikutloa joalo. Joale Bakreste ba ka sireletsa manyalo a bona joang?

U ka etsa lintho tsena tse hlano tsa bohlokoa:

1. Sireletsa pelo ea hao ka hore u qobe lintho tse ka etsang hore motho e mong ntle le molekane oa hao a nahane hore oa mo rata. Hape qoba le boithabiso bo fosahetseng kaha bo ka senya lenyalo la hao.​—Mat 5:​28; 2Pe 2:14.

2. Matlafatsa kamano ea hao le Molimo ’me o ikemisetse ho etsa hore lenyalo la hao le thabise Jehova.​—Pes 97:10.

3. Tsoela pele ho apara botho bo bocha ka ho etsa lintho tse tla thabisa molekane oa hao, esita le lintho tseo ho bonahalang eka li nyane.​—Kol 3:​8-10, 12-14.

4. Buisanang ka tlhompho kamehla.​—Kol 4:6.

5. Bontša molekane oa hao lerato ka ho mo fa tokelo ea hae ea lenyalo.​—1Ko 7:​3, 4; 10:24.

Ha Bakreste ba hlompha lenyalo la bona, ba bontša hore ba hlompha Moqapi oa lenyalo e leng Jehova.

SHEBELLANG VIDEO EA RE LOKELA HO “MATHA KA MAMELLO”​—MAMELA MELAO EBE LE ARABA LIPOTSO TSE LATELANG:

• Le hoja ho ka qala ho le monate lenyalong ke mathata afe a ka hlahang?

• Ke joang melao-motheo ea Bibele e ka thusang banyalani ba utloang eka ha hona lerato lenyalong la bona?

• Jehova o file banyalani melao efe?

• Banyalani ba lokela ho etsa’ng e le hore lenyalo la bona le atlehe?