Samuele o ile a tšepahalla Jehova bophelo bohle ba hae. Ha a ntse a hola ha aa ka a itšoara hampe joaloka bara ba Eli e leng Hofni le Finease. (1Sa 2:22-26) Samuele o ile a tsoela pele ho hola ’me Jehova o ne a e-na le eena. (1Sa 3:19) Ha e se e le monna ea holileng, o ile a tsoela pele ho sebeletsa Jehova ka botšepehi le hoja bara ba hae ba sa ka ba etsa joalo.​—1Sa 8:1-5.

Mohlala oa Samuele o re ruta’ng? Haeba u mocha, kholiseha hore Jehova o utloisisa mathata ao u bang le ona le kamoo u ikutloang kateng. A ka u thusa hore u be sebete. (Esa 41:10, 13) Haeba u motsoali ’me ngoana oa hao ha a sa sebeletsa Jehova, u ka khothatsoa ke mohlala oa Samuele ea sa kang a qobella bara ba hae ho sebeletsa Jehova. Samuele o ile a tlohella taba ena matsohong a Jehova, a lula a tšepahala le ho etsa lintho tse thabisang Ntate oa hae ea leholimong Jehova. Ngoana oa hao a ka khutlela ho Jehova ha a bona mohlala oa hao o motle.

SHEBELLANG VIDEO EA RE ITHUTA’NG MOHLALENG OA BONA?​—SAMUELE EBE LE ARABA LIPOTSO TSE LATELANG:

• Samuele o ile a bontša sebete joang e sa le moshanyana?

• Lillo o ile a bontša sebete joang?

• Samuele o ile a bontša mohlala o motle joang ha e se e le monna ea holileng?

• Batsoali ba Lillo ba ile ba beha mohlala o motle joang?