PHELA JOALOKA MOKRESTE
Ithute Tsela eo Molimo a Nahanang ka Eona
Re batla ho thabisa Jehova ka ntho e ’ngoe le e ’ngoe eo re e etsang. (Pr 27:11) E le hore re etse joalo, re lokela ho etsa liqeto tse bontšang hore re nahana joaloka eena le hoja ho se na molao kapa taelo e reng re etse lintho ka tsela e itseng. Re ka thusoa ke’ng hore re etse joalo?
Bala Bibele kamehla. Ha re bala Bibele, ho tšoana leha eka re qeta nako le Jehova. Re ka ithuta tsela eo Jehova a nahanang ka eona ka hore re bale litlaleho le mehlala ea kamoo a neng a tšoara batho ba neng ba etsa lintho tse mpe kapa tse ntle. Ha re hloka ho etsa qeto, moea o halalelang o ka re hopotsa lithuto tsa bohlokoa le melao-motheo eo re ileng ra ithuta eona Lentsoeng la Molimo.—Joh 14:26.
Etsa lipatlisiso. Ha u lokela ho etsa qeto ipotse, ‘Ke litemana kapa ke litlaleho life tse ka hare ho Bibele tse ka nthusang ho utloisisa kamoo Jehova a ikutloang kateng ka taba ee?’ Rapela hore Jehova a u thuse ’me u sebelise lithulusi tseo mokhatlo o re etselitseng tsona ho etsa lipatlisiso ka puo ea heno ho u thusa hore u fumane u be u sebelise melao-motheo ea Bibele e amanang le bothata boo u nang le bona.—Ps. 25:4.
SHEBELLANG VIDEO EA RE LOKELA HO “MATHA KA MAMELLO”—ITHUTE LENTSOE LA MOLIMO, EBE LE ARABA LIPOTSO TSE LATELANG:
-
Ke liteko life tseo morali oa bo rona e mocha a ileng a kopana le tsona?
-
U ka sebelisa lithulusi tsa ho etsa lipatlisiso joang ho u thusa ho sebetsana le mathata a tšoanang?
-
Re ka fumana molemo joang ha re ipehela nako ea ho etsa lipatlisiso le ho etsa thuto ea botho tse ka re thusang ho etsa liqeto tse molemo?—Heb 5:13, 14
