PHELA JOALOKA MOKRESTE
“Sebelisa Molao ho Fumana Tokelo ea ho Bolela Litaba Tse Monate”
Ha bahanyetsi ba ne ba leka ho thibela Baiseraele ho haha tempele bocha, ba neng ba haha ba ile ba sebelisa molao o neng o ba lumella ho tsoela pele ba haha. (Esd 5:11-16) Le mehleng ena Bakreste ba ntse ba tsoela pele ho sebelisa molao ho fumana tokelo ea ho bolela litaba tse monate. (Baf 1:7) Ho finyella seo, ka 1936 ho ile ha thehoa Lefapha la Tsa Molao Ntlo-kholo. Hona joale Lefapha la Tsa Molao le Ntlo-kholo le sebetsana le linyeoe tse amang mosebetsi oa ho bolela litaba tse monate lefatšeng lohle. Lefapha lena le tšehelitse mosebetsi oa ho bolela litaba tse monate joang le ho thusa bara le barali ba bo rona?
SHEBELLANG VIDEO EA SE ETSAHALANG LEFAPHENG LA TSA MOLAO LE NTLO-KHOLO EBE LE ARABA LIPOTSO TSE LATELANG:
-
Ke mathata afe a amanang le molao ao Lipaki Tsa Jehova li ileng tsa kopana le ’ona?
-
Ke linyeoe life tseo Lipaki Tsa Jehova li ileng tsa li hlola? Fana ka mohlala
-
Re ka sebelisa molao joang ho “fumana tokelo ea ho bolela litaba tse monate”?
-
Ke hokae websaeteng ea rona moo re ka balang ka linyeoe tse amang bara le barali ba bo rona le lethathamo la mabitso a Lipaki Tsa Jehova tse koalletsoeng literonkong ka lebaka la tumelo ea tsona?