Livideo li ka thusa batho ho utloisisa lintho habonolo kaha baa li bona ebile baa li utloa. Li ba thusa ho mamela ka hloko le ho hopola seo ba ithutileng sona. Jehova o behile mohlala o motle ka hore ha a ruta a sebelise lintho tseo batho ba ka li bonang.—Lik 10:9-16; Tše 1:1.

Livideo tse latelang, Na Molimo o na le Lebitso?, Mongoli oa Bibele ke mang?, le Re ka kholiseha joang hore Bibele e nepahetse? li tlatselletsa thuto ea 2 le ea 3 bukaneng ea Litaba Tse Molemo. Re ka khothalletsa batho ho ithuta Bibele le Lipaki kapa ho tla libokeng ka ho sebelisa livideo tse latelang: Ke Hobane’ng ha U Lokela ho Ithuta Bibele?, Ho Etsahala’ng Thutong ea Bibele? le Ho Etsahala’ng Holong ea ’Muso?. Ho na le livideo tse ling hape tseo re ka li sebelisang ho thusa batho ho utloisisa Bibele.—km 5/13 3.

• Pele u ea tšimong daonlouda video eo u batlang ho e bontša mong’a ntlo

• Lokisetsa potso e le ’ngoe kapa tse peli tse tla arabeloa videong eo

• E shebelle le mong’a ntlo

• Buisanang ka lintlha tsa bohlokoa

• Bontša mong’a ntlo letšoao le ka morao ho e ’ngoe ea lipampitšana le tla mo lebisa videong ea Ke Hobane’ng ha U Lokela ho Ithuta Bibele?

• Bapalla mong’a ntlo video ea Re ka kholiseha joang hore Bibele e nepahetse? ka mor’a moo, mo fe bukana ea Litaba tse Molemo ebe u mo bontša thuto ea 3