Sehopotso se re fa monyetla oa ho nahana ka mahlohonolo a nakong e tlang a tla tlisoa ke thekollo, a kang tsoho ea bafu. Ha ho mohla Jehova a kileng a rera hore batho ba shoe. Ke ka lebaka leo ha re shoeloa ke motho eo re mo ratang re utloang bohloko boo ho seng bo tšoanang le bona. (1Ko 15:26) Jesu o ile a utloa bohloko ha a bona barutuoa ba hae ba siame ha Lazaro a shoele. (Joh 11:33-35) Kaha Jesu o tšoana le Ntate oa hae ka ho feletseng, re kholisehile hore Jehova le eena o utloa bohloko ha re siame. (Joh 14:7) Jehova o labalabela hore nako ea ho tsosa bahlanka ba hae e fihle ’me le rōna re lokela ho ikutloa ka tsela e tšoanang.—Job 14:14, 15.

Kaha Jehova ke Molimo ea hlophisehileng, hoa utloahala ho lumela hore bafu ba tla tsosoa ka tsela e hlophisehileng. (1Ko 14:33, 40) Ho e-na le hore re ee mapatong, re tla amohela batho ba tsohileng bafung. Na u nahana ka tsoho, haholo-holo nakong eo ka eona u siameng? (2Ko 4:17, 18) Na u leboha Jehova ha e le moo a fane ka thekollo le hore ebe ka Bibeleng o re senoletse hore bafu ba tla boela ba phele?—Kol 3:15.

• Ke metsoalle efe kapa beng ka uena bao u ka thabelang ho kopana le bona hape?

• U ka rata ho qoqa le bo-mang bao mabitso a bona a hlahang ka Bibeleng?