Jehova “Molimo ea thabileng” o batla hore re thabele tšimo. (1Ti 1:​11) Re tla thaba haholo ha re ntlafatsa bokhoni ba rona ba ho ruta. Ho botsa lipotso ke tsela ea ho qala moqoqo ebile e etsa hore batho ba batle ho qoqa le rona. Lipotso li thusa batho ho nahana le ho beha mabaka. (Mat 22:​41-45) Ho botsa potso le ho mamela ha motho a araba ho bontša hore re mo nka e le motho oa bohlokoa. (Jak 1:​19) Karabo ea motho e tla re thusa ho utloa hore na re lokela ho lebisa moqoqo hokae.

SHEBELLANG VIDEO EA THABELA MOSEBETSI OA HO ETSA BARUTUOA​—NTLAFATSA TSELA EO U RUTANG KA EONA​—KA HO BOTSA LIPOTSO EBE LE ARABA LIPOTSO TSE LATELANG:

• Ke makhabane afe ao Lipontšo a neng a na le ’ona?

• Nteboheleng o ile a sebelisa lipotso joang ho bontša hore o rata ho qoqa le Lipontšo?

• Nteboheleng o ile a sebelisa lipotso joang ho tsosa thahasello ea Lipontšo?

• Nteboheleng o sebelisitse lipotso joang ho thusa Lipontšo ho nahana le ho beha mabaka?