La 29 April–la 5 May
PESALEME EA 34-35
Pina ea 10 le Thapelo | Seo re Tl’o Ithuta Sona (1 mots.)
1. “Rorisa Jehova ka Linako Tsohle”
(10 mets.)
Davida o ile a rorisa Jehova leha a ne a e-na le mathata (Ps 34:1; w07 3/1 22 ¶11)
Davida o ile a ithorisa ka Jehova ho e-na le hore a ithorise (Ps 34:2-4; w07 3/1 22 ¶13)
Metsoalle ea Davida e ile ea khothatsoa ke mantsoe ao Davida a ileng a a bua ha a ne a rorisa Jehova (Ps 34:5; w07 3/1 23 ¶15)
Ka mor’a hore Davida a tlohe ho Abimeleke ’me a balehele lehoatateng, banna ba 400 ba neng ba utloisitsoe bohloko ke puso ea Morena Saule ba ile ba ea ho eena. (1Sa 22:1, 2) Ho ka etsahala hore ebe Davida o ne a nahanne ka banna bao ha a ne a ngola Pesaleme ea 34.
IPOTSE, ‘Libokeng tse latelang, nka rorisa Jehova joang ha ke buisana le Bakreste-’moho?’
2. Matlotlo a Patiloeng
(10 mets.)
-
Ps 35:19—Davida o ne a bolela’ng ha a kopa hore ba mo hloileng ba se ke ba mo soma kapa ho mo robela leihlo? (w06 5/15 20 ¶2)
-
U ithutile’ng ’malong oa Bibele oa bekeng ee?
3. ’Malo oa Bibele
(4 mets.) Ps 34:1-22 (th khaolo ea 5)
4. Ha u Qala Moqoqo
(2 mets.) BUA LE BATHO HA MONYETLA O HLAHA. Moqoqo o fela le pele u ka bua le motho ka molaetsa oa Bibele. (lmd thuto ea 1 ntlha ea 4)
5. Khutlela ho Batho
(4 mets.) BUA LE BATHO HA MONYETLA O HLAHA. (lmd thuto ea 2 ntlha ea 4)
6. Hlalosa Seo u se Lumelang
(5 mets.) Pontšo. ijwfq 59—Sehlooho: Lipaki Tsa Jehova li Khetha Matsatsi a Phomolo ao li ka a Ketekang Joang? (th khaolo ea 17)
Pina ea 59
7. Litsela Tse Tharo Tsa ho Rorisa Jehova ha re le Libokeng
(15 mets.) Puisano.
Liboka tsa Bokreste li re fa monyetla o motle oa ho rorisa Jehova. Litsela tse tharo tse latelang lia bontša hore na re ka etsa sena joang.
Ha u qoqa le batho: Ha u buisana le batho ba bang, ba bolelle kamoo Jehova a leng molemo kateng. (Ps 145:1, 7) Na ho na le ntho eo u e balileng kapa eo u e utloileng e u khothalitseng? Na ho na le ntho e monate e u etsahaletseng ha u le tšimong? Na u khothalitsoe ke ntho eo motho e mong a e entseng kapa eo a e buileng? Ha u shebile popo, na ho na le ntho e hlollang eo u ithutileng eona? Lintho tsena kaofela ke limpho tse tsoang ho Jehova. (Jak 1:17) Fihla libokeng pele li qala e le hore u ka khona ho qoqa le batho ba bang.
Ha u araba: Leka ho araba bonyane ha ’ngoe sebokeng ka seng. (Ps 26:12) U ka fana ka karabo e tobileng, oa bua ka temana ea Bibele kapa oa hlalosa setšoantšo. U ka boela oa bua ka hore na re ka sebelisa seo re ntseng re ithuta sona joang bophelong ba letsatsi le letsatsi. Lokisetsa likarabo tse ’maloa kaha batho ba bang ba ka ’na ba phahamisa matsoho nakong eo u batlang ho araba. Batho ba bangata le bona ba ka khona ho etsetsa Molimo sehlabelo sa thoriso haeba likarabo tsa rona li ka fella ka har’a metsotsoana e 30 kapa ka tlase ho moo.—Heb 13:15.
Ha ho binoa: Bina lipina tsa ’Muso ka cheseho. (Ps 147:1) Ho ka etsahala hore u se ke oa khona ho araba sebokeng se seng le se seng, haholo-holo haeba u le phuthehong e kholo empa u ka nka karolo ha ho binoa. Le hoja u utloa eka ha u tsebe ho bina hantle hakaalo, ha u etsa sohle ho bina, Jehova o thaba haholo. (2Ko 8:12) U ka khona ho bina hantle haeba u itloaetsa ho bina lipina tse tla binoa libokeng u sa le hae.
Shebellang VIDEO ea Pale ea Rona e Tsoelang Pele—Lipina Tsa Rona, Karolo ea Pele ebe u botsa bamameli potso ena:
Qalong, mokhatlo oa rona o ile oa bontša joang hore o nka ho binela Jehova lipina tsa thoriso e le ntho ea bohlokoa?
8. Thuto ea Bibele ea Phutheho
(30 mets.) rr khao. 9 ¶1-9 le video ea selelekela
