La 28 April–4 May
LIPROVERBIA 11
Pina ea 90 le Thapelo | Seo re Tl’o Ithuta Sona (1 mots.)
1. Itholele!
(10 mets.)
U se ke oa bua letho le tla utloisa “moahisani” oa hao bohloko (Pr 11:9; w02 5/15 26 ¶4)
U se ke oa bua letho le bakang likhathatso (Pr 11:11; w02 5/15 27 ¶2-3)
U se ke oa ntša makunutu (Pr 11:12, 13; w02 5/15 27 ¶5)
SEO U KA NAHANISISANG KA SONA: Seo Jesu a se buileng ho Luka 6:45 se nthusa joang hore ke qobe ho bua lintho tse ka utloisang ba bang bohloko?
2. Matlotlo a Patiloeng
(10 mets.)
-
Pr 11:17—Ho bontša ba bang mosa ho re tsoela molemo joang? (g20.1 11, lebokose)
-
U ithutile’ng ’malong oa Bibele oa bekeng ee?
3. ’Malo oa Bibele
(4 mets.) Pr 11:1-20 (th khaolo ea 5)
4. Ha u Qala Moqoqo
(4 mets.) BUA LE BATHO HA MONYETLA O HLAHA. Batla monyetla oa ho bolella motho seo u ithutileng sona libokeng haufinyane. (lmd thuto ea 2 ntlha ea 4)
5. Khutlela ho Batho
(4 mets.) BUA LE BATHO HA MONYETLA O HLAHA. Bontša motho video e hlahang ho Lithulusi Tsa ho Ruta. (lmd thuto ea 8 ntlha ea 3)
6. Ha u Etsa Barutuoa
(4 mets.) BUA LE BATHO KA BIBELE SETERATENG. Kopa ho ithuta Bibele le motho ’me u mo bontše hore na e khannoa joang. (lmd thuto ea 10 ntlha ea 3)
Pina ea 157
7. U se ke oa Senya Khotso ka Lintho Tseo u li Buang
(15 mets.) Puisano.
Kaha ha rea phethahala, re ka bua lintho tse utloisang batho ba bang bohloko. (Jak 3:8) Leha ho le joalo, haeba re nahana pele re bua re tla qoba ho bua lintho tseo re tla ikoahlaela tsona ha morao. Lintho tse latelang ke tse ling tsa tseo re ka li etsang tse ka senyang khotso ea phutheho:
-
Ho ikhohomosa. Re ka ithorisa ’me sena sa etsa hore ba bang ba batle ho hlolisana le rona ba ba ba re monela.—Pr 27:2
-
Ho bua leshano. Ho bua leshano ha ho bolele feela ho bua seo eseng ’nete empa ho akareletsa ho bua lintho ka sepheo sa ho khelosa batho ba bang. Ho bua leshano le ha ’ngoe feela ho ka etsa hore batho ba se ke ba hlola ba re tšepa ’me ha senya botumo ba rona.—Moe 10:1
-
Ho seba ba bang. Ho bua hampe ka batho ba bang le ho bua lintho tseo ba sa rateng ha batho ba bang ba li tseba ka bona. (1Ti 5:13) Ho ka baka liqabang le likarohano.
-
Ho hlaba ba bang ka mantsoe. Ha re koatile re ka hlaba batho ba re utloisitseng bohloko ka mantsoe e le ha re leka ho ba bolella kamoo re ikutloang kateng. (Ef 4:26) Seo se ka utloisa batho ba bang bohloko.—Pr 29:22
Shebellang VIDEO ea “Lahla” Lintho Tse Senyang Khotso—Karoloana ebe u botsa bamameli potso e latelang:
-
Lintho tseo re li buang li ka senya khotso ea phutheho habonolo feela. U ithutile’ng ka taba ee videong?
Shebella video ea “Batla Khotso ’Me u Loanele Hore e Lule e le Teng” ho bona hore na ba ile ba boela ba bopa khotso joang.
8. Thuto ea Bibele ea Phutheho
(30 mets.) w20.02 17 ¶10-18 le lebokose la tlhahlobo
