Ho ea ka Molao oa Moshe, monna ea neng a batla ho hlala, o ne a lokela ho fana ka lengolo la molao la tlhalo. Sena se ne se thibela batho ho potlakela ho qhala manyalo a bona. Leha ho le joalo, mehleng ea Jesu baeta-pele ba bolumeli ba ne ba entse hore tlhalo e etsoe habonolo feela. Banna ba ne ba ka hlala basali ba bona ka lebaka leha e le lefe. (“lengolo la ho leleka” nwtsty litlhaloso tsa Mar 10:4; “ea hlalang mosali oa hae,” “oa feba, ’me oa mo siteloa,” nwtsty litlhaloso tsa Mar 10:11) Jesu o ile a hatisa taba ea hore lenyalo le thehiloe ke Jehova. (Mar 10:2-12) Monna le mosali e ne e lokela hore e be “nama e le ’ngoe” ’me ba lule ’moho bophelo bohle. Ho latela tlaleho e ho Matheu, lebaka feela la Mangolo la ho hlala ke “bohlola”.—Mt 19:9.

Batho ba bangata mehleng ena ba talima lenyalo joaloka Bafarisi eseng joaloka Jesu. Ho batho ba sa reng letho ka Molimo, ha mathata a hlaha ba potlakela ho hlalana. Ka lehlakoreng le leng, banyalani ba Bakreste ba nka likano tsa bona tsa lenyalo ka ho teba ’me ha mathata a hlaha ba leka ho a hlola ka ho sebelisa melao-motheo ea Bibele. Ka mor’a hore le shebelle video ea Ho Ratana le ho Hlomphana ho Momahanya Malapa, arabang lipotso tse latelang:

• U ka sebelisa keletso e hlahang ho Liproverbia 15:1 joang lenyalong la hao, ’me ke hobane’ng ha ho le molemo ho etsa joalo?

• U ka qoba mathata joang ka ho sebelisa keletso e hlahang ho Liproverbia 19:11?

• Haeba lenyalo la hao le e-na le mathata, ho e-na le ho nahana ka ho hlala, ke lipotso life tseo u ka nahanang ka tsona?

• U ka ba monna kapa mosali ea molemo joang ka ho sebelisa keletso e ho Matheu 7:12?