9:1-7

Ak’u nahane kamoo Jesu a ileng a ikutloa kateng ha Ntate oa hae a phatlalatsa hore O mo amohetse nakong eo a neng a fetoha sebopeho. Ha ho potang hore sena se ile sa matlafalletsa Jesu ho tobana le mathata a neng a larile ka pele. Pono ena e ile ea matlafatsa tumelo ea Petrose, Jakobo le Johanne ea hore ehlile Jesu ke Mesia le hore ba entse hantle ka ho ba barutuoa ba hae. Lilemo tse ka bang 32 hamorao, Petrose o ne a ntse a hopola pono eo e hlollang le kamoo e ileng ea mo thusa ho tšepa boprofeta bo tlalehiloeng ka Bibeleng.—2Pe 1:16-19.

Le hoja re sa ka ra bona pono ena e hlollang, re bona bopaki ba ho phethahala ha eona. Jesu ke Morena ea matla. Haufinyane o tla ‘phetha tlholo ea hae’, e le hore ho be le lefatše le lecha la ho loka.—Tše 6:2.

Ho phethahala ha boprofeta ba Bibele ho matlafalitse tumelo ea hao joang?