Lipaki Tsa Jehova li na le tlotla e khethehileng. Kaha re Bakreste ba inehetseng le ba kolobelitsoeng re lula re loanela ho ba le setsoalle se matla le Morena oa rona Jehova. O re huletse ho eena ka Mora oa Hae. (Joh 6:​44) O mamela lithapelo tsa rona.​—Pes 34:15.

Re ka sireletsa setsoalle sa rona le Molimo joang? Re ka qoba ho etsa liphoso tse tšoanang le tseo Baiseraele ba ileng ba li etsa. Nakoana kamor’a hore ba etse selekane le Jehova, ba ile ba iketsetsa namane ea khauta eaba ba e rapela. (Ex 32:​7, 8; 1Ko 10:​7, 11, 14) Re ka ’na ra ipotsa: ‘Ke etsa’ng ha ke lekeha ho etsa ntho e fosahetseng? Na lintho tseo ke li etsang lia bontša hore ke nka setsoalle sa ka le Molimo e le sa bohlokoa?’ Haeba re rata ntate oa rona ea leholimong re tla qoba ho etsa lintho tseo a li hloileng.​—Pes 97:10.

SHEBELLANG VIDEO EA SIRELETSA SETSOALLE SA HAO LE JEHOVA (KOL 3:5) EBE LE ARABA LIPOTSO TSE LATELANG:

• Meharo ke eng?

• Ke hobane’ng ha re lokela ho qoba ho ba meharo le ho rapela litšoantšo?

• Bohlola le borapeli ba litšoantšo li amana joang?

• Ke hobane’ng ha ka ho khetheha batho ba nang le boikarabelo ka mokhatlong oa Molimo ba lokela ho ela hloko litlhoko tsa balekane ba bona?