Ka November, ho tla ba le letšolo le khethehileng la ho bolella batho litaba tse monate tsa hore lefatše le lecha le haufi. (Pes 37:​10, 11; Tše 21:​3-5) Lokisa maemo a hao e le hore u ka sebetsa ka mafolo-folo letšolong lena. Haeba u batla ho ba pula-maliboho e thusang khoeling eo, u ka khetha hore na u tla sebetsa lihora tse 30 kapa tse 50.

Hlophisa lengolo le buang ka lefatše le lecha leo u ka le ballang batho ba bangata kamoo u ka khonang. Khetha temana ea Bibele eo batho ba sebakeng sa heno ba tla e rata. Haeba ka leeto la pele motho a bontša hore o thabela moqoqo, u ka mo fa makasine oa batho bohle oa Molula-Qhooa oa No. 2 2021. Khutlela ho motho eo kapele kamoo u ka khonang ’me haeba u khona qalisa thuto ea Bibele u sebelisa bukana ea U ka Thaba ka ho sa Feleng! Ho thabisa hakaakang ho bolella batho “litaba tse molemo tsa ho hong ho molemo.”​—Esa 52:7.

SHEBELLANG VIDEO EA PINA EA LEFATŠENG LE LECHA EBE LE ARABA LIPOTSO TSE LATELANG:

• Ke lintho life tse monate tse tla etsahala nakong e tlang tseo ngoanana ea hlahang videong a ntseng a nahana ka tsona?

• Ke lintho life tseo u tatetseng ho li bona lefatšeng le lecha?

• Ho nahanisisa ka tšepo ea lefatše le lecha ho ka u thusa joang hore ka mafolo-folo u itokisetse ho kenya letsoho letšolong le khethehileng le tla ba ka November?​—Lu 6:45