Re thabile haholo hore ebe re na le buka le bukana tse ncha tse tla re thusa ho ithuta Bibele le batho. Re rapela Jehova hore a hlohonolofatse boiteko ba rona ba ho etsa barutuoa ba bangata. (Mat 28:​18-20; 1Ko 3:​6-9) Re ka sebelisa lithulusi tsee tse ncha joang?

Buka ea U ka Thaba ka ho sa Feleng! lenaneo la ho ithuta Bibele, e tl’o re ruta mokhoa o mocha oa ho ithuta Bibele le batho. Lintlha tsena tse latelang li tla re thusa ha re lokisetsa le ha re ithuta Bibele le batho. *

• Balang lirapa ebe ka mor’a moo le buisana ka lipotso

• Balang mangolo a ngotsoeng “bala” ebe u thusa motho eo u balang le eena hore a utloisise hore na a amana joang le taba eo le ntseng le ithuta eona

• Bapala livideo ’me le buisane ka tsona le sebelisa lipotso tse hlahang karolong ka ’ngoe

• Leka ho bua ka lintlha tsa khaolo kaofela thutong e le ’ngoe

Ha u le tšimong, e-fa mong’a ntlo bukana pele e le ho bona hore na o thabela ho ithuta. (Sheba lebokose le reng “ Ho Tsamaisa Bukana ea U ka Thaba ka ho sa Feleng! Leetong la Pele.”) Ha le qetile ho ithuta bukana me motho eo u ithutang le eena a batla ho tsoela pele, u ka mo fa buka ebe le qala khaolong ea bone. Haeba le ntse le ithuta buka ea Re ka Ithuta Eng Bibeleng? kapa ea Le Ipoloke Leratong la Molimo, li tloheleng ebe le qala ho bala buka ea U ka Thaba ka ho sa Feleng! ’me u khethe hore na le tla qala hokae.

SHEBELLANG VIDEO EA THABELA THUTO EA BIBELE EBE LE ARABA LIPOTSO TSE LATELANG:

• Motho eo u ithutang Bibele le eena o tla ithuta’ng bukeng ee e ncha?

• Ke hobane’ng ha u lokela ho bontša motho eo u qalang ho ithuta Bibele le eena video ee?

• U ka lula u khothalletsa motho eo u ithutang Bibele le eena hore a finyelle eng?​—Sheba lebokose le reng, “ Seo u ka se Etsang Karolong ka ’Ngoe.”