Solomone o ile a iphapanyetsa molao oa Molimo ka hore a nyale basali ba rapelang melimo ea bohata (1Ma 11:1, 2; w18.07 18 ¶7)

Basali ba Solomone ba ile ba mo khelosa hoo qetellong kamano ea hae le Jehova e ileng ea senyeha (1Ma 11:3-6; w19.01 15 ¶6)

Jehova o ile a halefela Solomone (1Ma 11:9, 10; w18.07 19 ¶9)

Lentsoe la Molimo le eletsa Bakreste hore ba “nyale feela Moreneng.” (1Ko 7:39) Leha ho le joalo, taba ea hore motho o kolobelitsoe ha e bolele hore e tla ba molekane ea loketseng. Na motho eo u batlang ho mo nyala o tla u thusa hore u tsoele pele u sebeletsa Jehova? Na motho eo o se a e-na le nako a bontša hore o rata Jehova ka ho tebileng? Pele u nyala kapa u nyaloa, etsa bonnete ba hore u tseba motho eo u tl’o nyalana le eena hantle.