Manyalo a Bakreste a atlehileng a tlotlisa Jehova ’me a etsa hore monna le mosali ba thabe. (Mar 10:9) E le hore Bakreste ba thabe lenyalong, ba lokela ho latela melao-motheo ea Bibele haufi-ufi ha ba khetha balekane.

U se ke oa kena leferehong ho fihlela u “fetile palesa ea bocha,” e leng nako eo maikutlo a ho etsa thobalano a leng matla hoo a ka u sitisang hore u etse qeto e nepahetseng. (1Ko 7:36) Ha u ntse u le lesoha, sebelisa nako eo ho matlafatsa setsoalle sa hao le Jehova le ho ba le makhabane a Bokreste. Ho etsa joalo ho tla u thusa hore u be le lenyalo le atlehileng.

Pele u lumela ho nyalana le motho, nka nako ea ho ithuta eena e le hore u ka tseba “motho ea ka sephiring oa pelo.” (1Pe 3:4) Haeba u qala ho ba le lipelaelo, buisana le motho eo u batlang ho nyalana le eena ka tsona. Motho ea lenyalong o lokela ho nahana haholo ka seo a ka se etsetsang molekane oa hae, eseng seo molekane oa hae a lokelang ho mo etsetsa sona. (Fil 2:3, 4) Ha le sebelisa melao-motheo ea Bibele pele le nyalana, ho tla ba bonolo ho e sebelisa leha le se le nyalane ’me seo se tla etsa hore le thabe lenyalong.

SHEBELLANG VIDEO EA HO ITOKISETSA LENYALO​—KAROLO EA 3: “BALA LITŠENYEHELO” EBE LE ARABA LIPOTSO TSE LATELANG:

• Lefereho la morali oa bo rona le Shane le qalile joang?

• Morali oa bo rona o ile a hlokomela eng ka Shane ha a ntse a tsoela pele ho ithuta eena?

• Batsoali ba morali oa bo rona ba ile ba mo thusa joang ’me o ile a etsa qeto efe e bohlale?