Lentsoe la Molimo le re fa sohle seo re se hlokang ho sebetsana le mathata a bophelo mehleng ena ea bofelo. (2Ti 3:1, 16, 17) Leha ho le joalo, re ntse re hloka thuso ho fumana melao-motheo ea Bibele e tla re thusa ho sebetsana le maemo a itseng ka ho toba. Ka mohlala, na u motsoali ea hlokang thuso ka ho holisa bana? Na joaloka mocha u thatafalloa ke ho sebetsana le liteko? Na u hlokahalletsoe ke molekane? Ha u kena ho jw.org u tla fumana lingoloa, livideo le likhatiso tse mameloang tse thehiloeng Bibeleng tse tla u thusa ho sebetsana le mathata.​—Lipr 2:3-6.

Leqepheng le qalang ho jw.org, tobetsa LITHUTO TSA BIBELE. (Sheba setšoantšo sa 1.) Khetha sehlooho seo u se thabelang. Kapa u ka tobetsa LAEBRARI > LIHLOOHO ebe u khetha sehlooho seo u se thabelang. (Sheba setšoantšo sa 2.) Lihlooho tse tšoanang li teng le ho JW Library^®. * U ka ikhethela hore na u batla ho sheba lihlooho tsena hokae. U ka boela oa sebelisa lebokose le ngotsoeng “Batla” ho jw.org e le hore u ka fumana sehlooho se buang ka taba e itseng ka ho toba.

Ngola lihlooho tse latelang ka lebokoseng la “Batla” ebe u khetha lihlooho tseo u ka thabelang ho li bala.

• Ho holisa bana

• Bacha ba nang le khatello ea maikutlo

• Ho hlokahalloa ke molekane