Index ea Litšoantšo
Ho ea ka leqephe leo li hlahang ho lona
Litšoantšo tse ka ntle Pauluse, Tabitha, Galio, Luka, molaoli oa tempele hammoho le baapostola, Mosaduse, Pauluse o felehetsoa ho ea Sesarea, ho etsoa mosebetsi oa ho paka ka koloi e nang le sebuela-hole le ka keramafono.
Leqephe la 1 Pauluse, o tlanngoe ka liketane, o na le Luka ’me ba palame sekepe sa thepa se eang Roma.
Leqephe la 2 le 3 Mor’abo rona J. E. Barr le Mor’abo rona T. Jaracz ba Sehlopha se Busang ba shebile ’mapa oa lefatše.
Leqephe la 11 Jesu o roma baapostola ba tšepahalang ba 11 hammoho le balateli ba bang a le thabeng ea Galilea.
Leqephe la 14 Jesu o nyolohela leholimong. Baapostola ba mo shebile.
Leqephe la 20 Ka Pentekonta, barutuoa ba qala ho bua le baeti ka lipuo tsa habo bona.
Leqephe la 36 Baapostola ba eme ka pel’a Kaifase ea lolomang ke bohale. Lekhotla le Phahameng la Bajuda le laela balaoli ba tempele hore ba e’o tšoara baapostola.
Leqephe la 44 Tlaase: Ka mor’a Ntoa ea II ea Lefatše, lekhotla la Jeremane Bochabela le ile la ahlola Lipaki Tsa Jehova ka ho hloka toka la re ke lihloela tsa Amerika.—Koranta ea Neue Berliner Illustrierte, ea la 3 October, 1950.
Leqephe la 46 Setefane o qosoa ka pel’a Lekhotla le Phahameng la Bajuda. Morao mane ke Basaduse ba barui, ’me pele mona ke Bafarisi ba khomaretseng lineano ka ho feteletseng.
Leqephe la 54 Petrose o beha matsoho holim’a morutuoa e mocha; Simone o nkile mokotlana oa chelete.
Leqephe la 75 Petrose le bo-mphato’a hae ba kena ha Korneliase. Korneliase o apere seaparo se khethehileng seo a se akhetseng lehetleng ho bontša hore ke molaoli oa lekholo.
Leqephe la 83 Petrose o tataisoa ke lengeloi; mohlomong o ne a koaletsoe Toreng ea Antonia.
Leqephe la 84 Tlaase: Barab’abo rona ba hlaseloa ke mokhopi haufi le Montreal, Quebec, ka 1945.—Weekend Magazine, ea July 1956.
Leqephe la 91 Pauluse le Barnabase ba lelekoa Antioke ea Pisidia. Ka morao ke lerako le lecha la motse, leo mohlomong le hahiloeng mathoasong a lekholo la pele la lilemo C.E.
Leqephe la 94 Pauluse le Barnabase ba hana ho rapeloa ke batho ba Listra. Hangata ha ho etsoa mahlabelo phatlalatsa batho ba ne ba khaba ’me ba bina ba bile ba etsa lerata..
Leqephe la 100 Holimo: Silase le Judase ba khothatsa phutheho ea Antioke e Siria. (Lik. 15:30-32) Tlaase: Molebeli oa potoloho o fana ka puo phuthehong ea Uganda.
Leqephe la 107 Phutheho ea Jerusalema e tšoere seboka lelapeng la motho.
Leqephe la 124 Pauluse le Timothea ba palame sekepe sa khoebo sa Roma. Morao mane ke tora e khantšetsang basesisi ba likepe.
Leqephe la 139 Pauluse le Silase ba sebakeng se koetsoeng ka liheke, ba baleha mokhopi o halefileng.
Leqephe la 155 Galio o khalemela baqosi ba Pauluse. O apere liaparo tse bontšang maemo a hae: seaparo se sesoeu sa borena se hareloang ’meleng ebe se akheloa lehetleng, se nang le motsero o sephara o pherese ’me o roetse seeta se bitsoang calcei.
Leqephe la 158 Demetriase o bua le litei tsa silevera Efese. Liemahale tsa Artemise li rekisetsoa batho.
Leqephe la 171 Pauluse le bo-mphato’a hae ba palama sekepe. Seemahale se ka morao ke Great Harbor Monument, e hahiloeng lekholong la pele la lilemo B.C.E.
Leqephe la 180 Tlaase: Mocha oa Paki o tsamaisa lingoliloeng tsa Bibele ka sekhukhu lilemong tsa bo-1940 ha lingoliloeng li ne li thibetsoe Canada. (Hase setšoantšo sa sebele.)
Leqephe la 182 Pauluse o etsa seo baholo ba kopang hore a se etse. Luka le Timothea ba lutse ka morao, ba tlisitse monehelo.
Leqephe la 190 Mochana oa Pauluse o bua le Claudiase Lisiase Toreng ea Antonia, moo e ka ’nang eaba Pauluse o koaletsoe teng. Morao mane ke tempele ea Heroda.
Leqephe la 206 Pauluse o rapella batho ba khathetseng ba leng kamoo thepa e laeloang teng ka sekepeng.
Page 222 Pauluse oa motšoaruoa, o tlameletsoe lesoleng la Roma, ’me o shebile motse oa Roma.
