KHAOLO 20
Sephetho se Amang Pelo
Moeklesia 12:13, 14
NTLHA-KHOLO: Ha u lihela likhala, bua ka tsela e tla susumetsa bamameli ho sebelisa seo ba ithutileng sona.
KE’NG SEO U LOKELANG HO SE ETSA?
-
Sephetho sa hao se lokela ho lumellana le litaba tsa hao kaofela. Pheta lintlha tsa hao tsa sehlooho.
-
Susumetsa bamameli. Hlakisetsa bamameli hore na ba lokela ho etsa’ng le hore na ke hobane’ng ha ho etsa joalo e le habohlokoa. Bua ho tsoa pelong.
-
Etsa hore sephetho sa hao se be sekhutšoanyane ’me se tobe taba. Ha se nako ea ho qala ho bua ka lintlha tseo u sa buang ka tsona. Ka mantsoe a seng makae feela, siea bamameli ba ikemiselitse ho etsa seo ba ithutileng sona.
