Mohlala oa Bibele o ka u thusang:

• Joh 8:​31-40—Bajuda ba bang ba ile ba ikhohomosa hobane ba ne ba tsoa lelokong la Abrahama empa Jesu o ile a ba khalemela hobane ba ne ba sa etse lintho joaloka Abrahama

 Mehlala ea batho ba ka Bibeleng e ka u thusang:

• Jon 4:​1-11—Jehova o ile a ruta moprofeta Jonase hore o lokela ho ba mosa ho Baninive bao e neng e le batho ba naha e ’ngoe

• Lik 10:​1-8, 24-29, 34, 35—Ka mor’a hore moapostola Petrose a tsebe hore Jehova o amohela Balichaba, o ile a thusa Korneliase le lelapa la hae hore e be Bakreste ba pele ba Balichaba ba sa bollang

Mehlala ea batho ba ka Bibeleng e ka u thusang:

• De 17:​18-20—Jehova o ile a re marena a Iseraele a se ke a nka hore a bohlokoa ho feta Baiseraele ba bang hobane kaofela e ne e le bana ba motho

• Mar 10:​35-45—Jesu o ile a khalemela baapostola ba hae hobane ba ne ba amehile haholo ka hore na ke mang e moholo har’a bona. (Sheba le study note se hlahang Bibeleng ea Phetolelo ea Lefatše le Lecha ea Senyesemane ho Mar 10:42 tlas’a sehloohoana se reng “lord it over them”)

Mohlala oa Bibele o ka u thusang:

• Joh 6:​14, 15—Ha batho ba ne ba bona hore Jesu a ka khona ho rarolla mathata a bona, ba ile ba leka ho mo etsa morena empa Jesu o ile a hana