Jesu o tseba hantle hore na re ikutloa joang ha ho e na le tlolo ea molao ebile re tšoaroa ka ho hloka toka, hobane le eena o ile a etselletsoa, a otloa, a hlorisoa, a ahloloa ka ho hloka toka a ba a bolaoa ka sehloho. Le hoja Jesu a ne a se na molato, o ne a ikemiselitse ho fana ka “bophelo ba hae e le tefo bakeng sa ho lopolla batho ba bangata.” (Matheu 20:28; Johanne 15:13) Joalokaha Jesu e se e ntse e le Morena oa ’Muso oa Molimo, haufinyane o tla felisa ho hloka toka lefatšeng lohle a be a felise tlolo ea molao ka ho feletseng.—Esaia 42:3.

 Bibele ea hlalosa hore na ho tla ba joang lefatšeng ka mor’a hore Jesu a nke khato:

•   “Batho ba khopo ha ba sa tla hlola ba e-ba teng. U tla sheba moo ba neng ba le teng empa ba tla be ba le sieo. Leha ho le joalo, lefatše e tla ba lefa la ba bonolo, ba tla thaba haholo hobane ho tla be ho rena khotso.”—Pesaleme ea 37:10, 11.

 Re ka bontša joang hore re ananela lintho tseo Jesu a re etselitseng tsona le tseo a tla li etsa? Lengolong la Luka 22:19, Jesu o ile a bolella barutuoa ba hae hore ba ’ne ba hopole lefu la hae. Ke kahoo selemo le selemo Lipaki Tsa Jehova li bokanang hammoho ho ikhopotsa lefu la Jesu. Re u memela Sehopotsong sa lefu la Jesu se tla ba ka Sontaha sa la 24 March 2024.

Sehopotso se Tla Tšoareloa Hokae?