Ka Mantaha oa la 13 February 2023, mokhatlo oa Centers for Disease Control and Prevention (CDC) o ile oa lokolla tlaleho ea lipalo-palo tsa bacha ba Amerika ba imetsoeng kelellong. Tlaleho eo e ile ea bontša hore hoo ekabang halofo ea bana ba likolong tse phahameng ba lula ba hloname ’me ba se na tšepo.

 Dr. Kathleen Ethier, motsamaisi oa CDC’s Division of Adolescent and School Health (DASH) o ile a re: “Le hoja lilemong tse leshome tse fetileng lipalo tsa bacha ba imetsoeng kelellong li ile tsa eketseha haholo empa mehleng ena banana ba bangata ke bona ba anngoeng ke taba ena ho feta leha ele neng pele. Ba bangata ba nahana ho ipolaea, ba bang ba rera ho etsa joalo ’me ba bang ba hle ba leke ho ipolaea.”

 Tlaleho eo e ile ea boela ea re:

•   Ho banana ba leshome a le mong kapa ba babeli ba ile ba qobelloa ho etsa thobalano ba sa batle. Dr. Ethier o ile a re: “Hoa tšosa ho tseba hore ho banana ba leshome a le mong ho bona kapa ho feta o kile a hlekefetsoa ka thobalano.”

•   Hoo e ka bang ngoanana a le mong ho ba bararo o batla ho ipolaea.

•   Hoo e ka bang banana ba bararo ho ba bahlano ba lula ba hloname kapa ba se na tšepo.

 Litlaleho tsena li utloisa bohloko haholo hobane bocha ke nako e monate bophelong eo u lokelang ho e thabela. Ke eng e ka thusang bacha ho sebetsana le stress? Bibele eona e re’ng ka taba ee?

Bibele e fa bacha likeletso tse ka ba thusang

 Bibele e hlalosa nako eo re phelang ho eona hantle ha e re: “bophelo bo tla ba thata hape ho tla ba kotsi.” (2 Timothea 3:1-5) Le ha ho le joalo, Bibele e fana ka keletso e sa felloeng ke nako e thusang bacha ba limilione lefatšeng lohle ho sebetsana le mathata a bona ka katleho. Nahana ka lihlooho tse latelang tse thehiloeng Bibeleng.

•   Haeba ha ke sa Batla ho Phela

•   Ke Batla ho Shoa, na Bibele e ka Nthusa ha ke E-na le Maikutlo a ho Ipolaea?

•   Ke sa Phelela’ng?

•   Nka Sebetsana Joang le Khatello ea Maikutlo?

•   Nka Etsang Hore ke Khaotse ho Nahana ka Lintho Tse ka ’Nang Tsa Etsahala?

•   Nka Sebetsana le ho Tšoenyeha Joang?

•   Nka Laola Maikutlo a ka Joang?

•   Joale ke se ke Thabile (video ea lipopae)

•   Nka Etsa’ng Haeba ke Sotloa ke Bo-mpoli?

•   Nka Etsa’ng ha ke Hlorisoa Inthaneteng?

•   Hlola Mpoli U sa Loane (video ea lipopae)

•   Nka Sebetsana Joang le ho Hlekahlekoa?

•   Ke Eng eo ke Lokelang ho e Tseba ka ho Hlekefetsoa ka Thobalano?—Karolo ea 1: Temoso

•   Ke Eng eo ke Lokelang ho e Tseba ka ho Hlekefetsoa ka Thobalano?—Karolo ea 2: Ho Hlaphoheloa

Bibele e fa batsoali likeletso tse ka ba thusang

 Bibele e boetse e fa batsoali likeletso tseo ba ka li sebelisang ha ba thusa bana ba bona ho sebetsana le mathata a ba hlahelang. Sheba lihlooho tse latelang tse thehiloeng Bibeleng.

•   Ke Hobane’ng ha Bacha ba E-na le Khatello ea Maikutlo? Ba ka Thusoa Ke’ng?

•   Ha Morali oa Hao ea Lilemong Tsa Bocha a Imetsoe Kelellong

•   Nka Etsa’ng Haeba Ngoana oa ka a Hlorisoa ke Bana ba Bang?

•   Ha Mocha a Intša Kotsi

•   Ha Bana ba Sebelisa Inthanete—Karolo ea 1: Na Ngoana oa ka o se a Loketse ho Sebelisa Inthanete

•   Ha Bana ba Sebelisa Inthanete—Karolo ea 2: Nka Thusa Ngoana oa ka ho Sebelisa Inthanete Hantle Joang

•   Ha Bana ba Sebelisa Selefouno—Karolo ea 1: Na Ngoana oa ka o Lokela ho ba le Selefouno?

•   Ha Bana ba Sebelisa Selefouno—Karolo ea 2: Ho Ruta Bana ho Sebelisa Selefouno Hantle

•   Kamoo U ka Buisanang le Ngoana oa Hao ka ho Romela Litšoantšo Tse Litšila ka Selefouno