Mokhatlo oa Catholic News Service o fanang ka litaba tsa bolumeli, o bontša hore ka la 25 March 2022 ho ne ho tšoaretsoe tšebeletso kerekeng ea St. Peter’s Basilica ’me Mopapa Francis o ne a eme ka pel’a setšoantšo sa Maria a “koetse mahlo ’me a lihile hlooho a rapella ka pelong.” O ile a kopa khotso ho Maria. Websaete ea Vatican News eona e ile ea re “Mopapa o ile a etsa thapelo ho halaletsa batho, haholo-holo ba Russia le Ukraine. Thapelo ena e ne e etsoa bakeng sa “Pelo e se Nang Sekoli ea Maria.”

 O nahana eng ka taba ee? Na ho loketse hore re rapele litšoantšo? Hlokomela litemana tsa Bibele tse latelang:

•   “U se ke ua iketsetsa setšoantšo se betliloeng kapa sebōpeho se tšoanang le ntho leha e le efe e holimo maholimong kapa e tlaase lefatšeng kapa e metsing ka tlas’a lefatše. U se ke ua li inamela kapa ua hlohlelletsoa hore u li sebeletse, hobane ’na Jehova Molimo oa hao ke Molimo ea batlang boinehelo bo khethehileng.”​—Exoda 20:​4, 5. a

•   “Litšoantšo tsa bona tse rapeloang ke silevera le khauta, mosebetsi oa matsoho a motho oa lefatše. Li na le melomo, empa ha li bue; li na le mahlo, empa ha li bone; li na le litsebe, empa ha li utloe. Li na le linko, empa ha li fofonele. Li na le matsoho, empa ha li ame. Li na le maoto, empa ha li tsamaee; ha li ntše molumo ka ’metso ea tsona. Ba li etsang ba tla ba feela joaloka tsona, bohle ba li tšepileng.”​—Pesaleme ea 115:​4-8.

•   “Ke ’na Jehova. Ke lona lebitso la ka; ’me nke ke ka fa e mong khanya ea ka, kapa ka fa litšoantšo tse betliloeng thoriso ea ka.”​—Esaia 42:8.

•   “Le balehele borapeli ba litšoantšo.”​—1 Bakorinthe 10:14.

•   “Le itebele litšoantšong tse rapeloang.”​—1 Johanne 5:21.

 Bala sehlooho se reng “Bible’s Viewpoint​—Images” (“Bibele e Re’ng ka ho Rapela Litšoantšo?”) kapa u shebelle video e reng Na Molimo o Batla Hore re Sebelise Litšoantšo ha re mo Rapela? e le hore u fumane lintlha tse eketsehileng ka hore na Bibele e re’ng ka ho sebelisa litšoantšo ha re rapela.

 U ka ’na oa thabela ho utloa seo Bibele e se buang ka lihlooho tsena:

•   “The Virgin Mary​—What Does the Bible Say About Her?” (“Bibele e Re’ng ka Maria Mofereko?”)

•   “Should You Pray to the Virgin Mary?” (“Na re Lokela ho Rapela Maria Mofereko?”)

•   “Mehlolo le Lipono Tsa Mohlolo​—Na ke Lipontšo Tse Tsoang ho Molimo?”

•   “Khotso e Tla Tla Joang Lefatšeng?”

Photo credit: Vincenzo Pinto/AFP via Getty Images