Batho baa soetseha ha batho bao ba neng ba ba tšepile ba ba phoqa. Ka lebaka la seo, batho ha ba sa tšepa . . .

•   bo-ralipolotiki ba behang lintho tseo ba li batlang ka pele ho litlhoko tsa batho.

•   mecha ea litaba e sa bueng lintho tseo e leng ’nete.

•   bo-rasaense ba sa nahaneleng sechaba.

•   baeta-pele ba bolumeli ba tšehetsang lipolotiki ka botlalo ho e-na le ho emela Molimo.

 Ke hantle hore batho ba be hlokolosi ka hore na ke mang eo ba ka mo tšepang, hobane Bibele e lemosa ka ho re:

•   “Le se ke la tšepa likhosana kapa motho hobane a ke ke a le pholosa.”—Pesaleme ea 146:3. nal, Bibele—Phetolelo ea Lefatše le Lecha.

  Bibele e bua ka motho eo u ka mo tšepang, e leng Jesu Kreste. E ne e se monna feela ea lokileng ea phetseng lilemong tse ngata tse fetileng. Molimo o khethile Jesu hore e be Morena ’me “puso ea hae e ke ke ea fela.” (Luka 1:32, 33) Jesu ke Morena oa ’Muso oa Molimo, o busang o le leholimong.—Matheu 6:10.

•   Ho ithuta haholoanyane ka hore na ke hobane’ng ha u ka tšepa Jesu, bala lihlooho tsena: “Morena oa ’Muso oa Molimo ke Mang?” le “’Muso oa Molimo o Tla Etsa’ng?”