KE HOBANE’NG HA BATHO BA HLOEANE HAKAALE?
1 | U se ke oa ba Leeme
Seo Bibele e se Rutang:
“Molimo ha a leeme, empa sechabeng se seng le se seng motho ea mo tšabang le ea sebetsang ho loka oa amoheleha ho eena.”—LIKETSO 10:34, 35.
Seo Temana Ena e se Bolelang:
Jehova * Molimo ha a re ahlole ho ea ka morabe oa rona, ’mala, setso kapa hore na re tsoa hokae. Ho e-na le hoo, o ela hloko lintho tseo re li labalabelang le lintho tseo re li nahanang. Ke ’nete hore “motho o bona se bonahalang mahlong, empa ha e le Jehova, o bona seo pelo e leng sona.”—1 Samuele 16:7.
Seo o ka se Etsang:
Le hoja re ke ke ra tseba seo batho ba nahanang, re ka leka ho etsisa Jehova ka hore re se ke ra ba leeme. Leka ho bona batho ka bomong eseng e le sehlopha. Haeba u utloa u e-na le maikutlo a fosahetseng ka batho ba merabe e meng, rapela Molimo hore a u thuse ho loantša maikutlo ao. (Pesaleme ea 139:23, 24) Haeba u kopa Jehova hore a u thuse hore u tlohelle ho ba leeme, u ka kholiseha hore o tla mamela thapelo ea hao ’me a u thuse.— 1 Petrose 3:12.
^ Jehova ke lebitso la Molimo.—Pesaleme ea 83:18.
“Ke ne ke e-s’o ka ke lula fatše le motho ea mosoeu ka khotso . . . Joale ke ne ke le setho sa mokhatlo oa ’nete oa bara ba motho.”—TITUS
Mohlomong u ka Rata le
MOLULA-QHOOA
Jehova “ha a Leeme”
Molimo o mamela lithapelo tsa barapeli ba hae ho sa tsotellehe morabe, bochaba, kapa maemo a bona sechabeng. Re tseba see joang?
TSOHA!
Bibele e Re’ng ka Khethollo ea Morabe?
Na merabe eohle ea lekana? Na khethollo ea morabe e tla ke e fele?
TSOHA!
Khethollo—Na e u Tšoaelitse?
A mang a matšoao a ka re bontšang ha re e-na le khethollo ke afe?
