Bibele e Re’ng?
Na Bibele e ka u thusa ho sebetsana le ho tšoenyeha?
Uena u ka re’ng?
E
Che
Mohlomong
Bibele eona e re’ng?
“Ha le ntse le lahlela matšoenyeho ’ohle a lona ho eena, hobane [Molimo] oa le tsotella.” (1 Petrose 5:7) Bibele e re tiisetsa hore Molimo o tla re thusa mathateng a rona.
Bibele e re’ng hape?
Ha u rapela, Molimo o tla u fa khotso ’me u tla khona ho sebetsana le mathata a hao.—Bafilipi 4:6, 7.
Ho feta moo, ho bala Lentsoe la Molimo ho ka u thusa ho sebetsana le khatello ea maikutlo.—Matheu 11:28-30.
Na ho tšoenyeha ho tla ke ho fele?
Batho ba bang lumela . . . hore ho tšoenyeha le khatello ea maikutlo ke karolo ea bophelo ha ba bang ba lumela hore ho tšoenyeha ho tla fela ka mor’a lefu. Uena u lumela’ng?
Bibele eona e re’ng?
Molimo o tšepisa ho felisa lintho tsohle tse bakang ho tšoenyeha. “Lefu ha le sa tla hlola le e-ba teng, ’me ho siama kapa ho bokolla kapa bohloko ha li sa tla hlola li e-ba teng.”—Tšenolo 21:4.
Bibele e re’ng hape?
Tlas’a ’Muso oa Molimo, batho ba tla phela ka khotso le ka boiketlo.—Esaia 32:18.
Ho tšoenyeha le khatello ea maikutlo li tla fela.—Esaia 65:17.
Mohlomong u ka Rata le
TSOHA!
Ho Imeloa Kelellong
Likeletso tse sebetsang tse fumanoang ka Bibeleng tse ka u thusang hore u sebetsane le ho imeloa kelellong ho bakoang ke maemo a mane a tloaelehileng.
BIBELE—PHETOLELO EA LEFATŠE LE LECHA (PHETOLELO EA 2013)
U ka Etsa’ng ha u E-na le Mathata?
Haeba ka linako tse ling u tšoenyeha haholo, Bibele e ka u thusa.
