Litaba Tse Khothatsang

Qenehela Batho ba Mefuta Eohle

Ka letsatsi le leng morali oa bo rona oa New Zealand o ile a shebella video e nang le sehlooho se reng ‘Le Hlokomelane ka Tsela e Tšoanang.’ Video ena e bua kamoo Jehova a nang le qenehelo kateng le kamoo a qenehelang batho kateng. (Esa. 63:​7-9) O ile a etsa qeto ea ho etsa seo a ithutileng sona ka hore a thuse batho ba bang. Hona letsatsing leo ha a ile mabenkeleng, o ile a kopana le mosali ea se nang lehae eaba o ithaopela ho mo rekela lijo. Mosali eo o ile a lumela. Ha morali oa bo rona a khutla a nkile lijo, o ile a nka monyetla eaba o bolella mosali enoa ka Jehova a sebelisa pampitšana ea Na Mahlomola a Tla ke a Fele?

Mosali eo o ile a qalella ho lla. O ile a hlalosetsa morali oa bo rona hore o holisitsoe ke Lipaki empa o ile a lahla phutheho lilemo tse ngata tse fetileng. Leha ho le joalo, haufinyane o ne a ile a rapela Jehova a mo kopa hore a mo thuse a khutlele ho eena. Morali oa bo rona o ile a fa mosali eo Bibele a ba a lokisetsa hore ba ithute. a

Le rona re ka etsisa Jehova ka ho qenehela batho ba bang, ho akareletsa le batho bao re amanang le bona le bara le barali ba bo rona ka phuthehong. Hape re ka bontša batho ba bang qenehelo ka ho batla menyetla ea hore re ba bolelle ka Jehova.

[Naletsana]