Banyalani ba bang ba balang pale ea bophelo hoseng ho hong le ho hong ba re: “Ho bala lihlooho tsena hoa re khothatsa ebile ho etsa hore re thabe. Lia re hopotsa hore le rona re ka khona ho tšepahala ho sa tsotellehe maemo ao re leng ho ’ona.” Morali oa bo rona e mong le eena o ikutloa ka tsela eo, o re: “Lipale tsena tsa bophelo lia tšelisa, lia thabisa hape li etsa hore ke batle ho etsa ho hong tšebeletsong. Bakreste-’moho le rona ba lipaleng tsena baa tseba hore na ba phelela eng. Lipale tsena li etsa hore ke batle ho eketsa nako eo ke e qetang ke ruta batho ka molaetsa oa Bibele ebile li nthusa hore ke khothaletse bana ba ka hore ba be tšebeletsong ea nako e tletseng.”

Lipale tsa bophelo li ka etsa hore u batle ho eketsa nako eo u e qetang u sebeletsa Jehova, u qobe ho nyahamisoa ke mefokolo ea hao le hore u mamelle liteko tse boima u thabile. U ka fumana lipale tsee hokae?

• Batla sehlooho se reng, “Lipale Tsa Bophelo” ho LAEBRARI E INTHANETENG EA Watchtower, Watchtower Library le ho jw.org.